Франсиа Раиса се отвори за тешкото закрепнување по донирањето бубрег на Селена Гомез

Детали

петок, 16 март 2018

Младата актерка проговори за сите тешкотии со кои се среќавала во текот на изминатите месеци, но вели дека сепак не се кае за одлуката.

Селена Гомез веќе подолг период боледува од лупус. Автоимуната болест минатата година ѝ направи сериозно оштетување на бубрезите, па очајно ѝ беше потребна трансплантација на бубрег.

Личноста која се одлучи да донира беше актерката Франсиа Раиса, една од најдобрите пријателки на Селена.

Во едно неодамнешно интервју Франсиа отворено проговори за тешкиот процес на закрепнување и ги покажа лузните од операцијата.

„Селена и јас по операцијата минавме низ депресија. Таа имаше некои компликации и огромни лузни... Се сеќавам дека добив порака од Селена во која ми пиша дека е многу исплашена затоа што мисли дека ќе умре (но, за среќа докторите открија од каде потекнува компликацијата и со дополнителна процедура го стабилизираа функционирањето на новиот бубрег во телото на Селена)“, изјави Франсиа.

За процесот на закрепнување таа вели:

„Конечно започнав да танцувам повторно... Ми беше тешко неколку месеци затоа што не сум навикната да не бидам активна. Имав луѓе покрај себе кои ми помагаа да се истуширам. Мислам тоа знае да нервира, малите работи како тоа што не можете да си го досегнете грбот за да го избришете со пешкир. Не можев да го кренам во раце ниту моето куче.“

Донацијата на бубрези е релативно сигурно процедура. Само 0.03% од луѓето кои донирале бубрег умреле поради компликации со процедурата.

Сепак, луѓето потоа мора да бидат внимателни со едниот бубрег кој им останува во телото. Треба да водат здрав начин на живот и да се штитат од повреди.

Ова особено важи за млади и здрави луѓе како Раиса. Таа наскоро повторно ќе води сосема нормален живот.

Нејзината исповед за тешкиот процес на закрепнување:

С. С. | Црнобело