По 9 години брак и магична љубов: Ченинг и Џена Татум се разделуваат

Детали

вторник, 03 април 2018

Ченинг и Џена Татум секогаш важеа за пар со магична љубов која насекаде ја покажуваа, а сега таа очигледно згасна.

Првите искри помеѓу актерите започнаа на снимањето на „Step Up“ и оттогаш тие важеа за еден од најсреќните парови во Холивуд со искрена љубов.

Ченинг и Џена во август 2016-та ја повторија нивната легендарна сцена од филмот, како прослава за 10-годишнината од истиот.

?ref_src=twsrc%5Etfw&ref_url=https%3A%2F%2Fwww.crnobelo.com%2Fnovosti%2Fshou-biznis-i-trac%2F52611-ja-lazhev-deka-ne-sakam-da-se-venchame-zlobniot-plan-za-zaprosuvanje-na-channing-tatum

Неодамна тој реши да се отвори за нивната љубов и призна дека направил нешто „малку злобно“ во периодот кога сакал да ја запроси Џена, но со цел таа да не му ја открие намерата.

Тој ја запроси во 2008-та на патување на Хаваи, а во 2009-та заблескаа на нивната свадба. Парот има 4-годишна ќерка на која ѝ се многу посветени. 

Сепак, изгледа дека дури и во најмагичната љубов има кризи, со оглед на тоа што по 9 години брак, Ченинг објави Инстаграм фотографија на која сподели со фановите дека тие се разделуваат.

„Здраво на сите! Имаме нешто што би сакале да споделиме.

Прво, малку е чудно да се сподели вакво нешто со сите, но тоа е последица на животот кој одбравме да го водиме, за кој сепак сме многу благодарни. Живееме во време во кое вистината може лесно да биде искривена и претворена во алтернативни факти. Затоа сакаме да ја споделиме вистината, за да знаете дека ако прочитате нешто поразлично од ова, дека е измислено.

Ние одлучивме да се разделиме како пар, на добар начин. Пред многу години, многу се заљубивме и имавме магична заедничка авантура. Апсолутно ништо не се промени во нашата љубов, но љубовта е убава авантура и нè носи на различни патишта засега. Нема никакви тајни ниту застрашувачки случувања како причина за нашата одлука – едноставно, двајца најдобри пријатели сфатија дека е време да си дадат малку простор и да си помогнат најдобро што можат меѓусебно да живеат радосен и исполнет живот.

Сè уште сме семејство и секогаш ќе бидеме посветени родители на Еверли. Нема да коментираме повеќе од ова и однапред ви се заблагодаруваме што ќе ја почитувате приватноста на семејството.

Праќаме многу љубов до сите,

Чен и Џена.“

 М. М. | Црнобело