Познати фаци кои не се поднесуваат, а се сликале заедно

Мадона и Гвинет Палтроу

Пред десетина години, пејачката и глумицата беа најдобри пријателки. Папараците ги ловеа на секој чекор, затоа што редовно се дружеа и излегуваа. Но, идилата заврши, откако Мадона го отпушти заедничкиот личен тренер. Гвинет Палтроу требала да го направи истото, aма не го сторила тоа, бидејќи немала причина. Малото недоразбирање беше повод за поп кралицата да го прекине нивното иконско пријателство. А, во 2011 година, актерката напиша на блогот дека била исцрпена и понижена од поранешната другарка.

Брус Вилис и Силвестер Сталоне

„Брат за брат, сирење за пари.“ Брус Вилис и Силвестер Сталоне беа ортаци, сѐ до моментот кога првиот побара поголем хонорар за улогата во филмот „The Expendables 3“. Сталоне го навреди барањето на Вилис, до таа мера што напиша на Твитер: „Алчност и мрза...Формула за сигурен неуспех во кариерата.“ Наводно, на Силвестер му дошло преку глава, а оттогаш не го смета Брус за пријател. Сепак, за разлика од претходните примери, двајцата барем се обидуваат да ги надминат несогласувањата, во случај одново да застанат пред камерите.

Канје Вест и Тејлор Свифт

И врапчињата на гранка знаат дека Канје Вест и кантавторката не се поднесуваат. Сѐ започна на MTV Video Music Awards во 2009 година. За време на победичкиот говор на Тејлор Свифт, раперот истрча на сцената и ѝ го одзема микрофонот, само за да соопшти дека таа не ја заслужува наградата, туку Бијонсе. Нетрпеливоста меѓу двајцата продолжи, откако ја спомна и во неговата песна „Famous“. Дури и сопругата Ким Кардашијан се вклучи во нивната игра. Последниот одговор беше хитот „Look What You Made Me Do“, овојпат посветен од Тејлор за Канје. Но, очекувани се и нови продолженија.

Ен Хатавеј и Џејмс Франко

Дека се навистина добри актери, Ен Хатавеј и Џејмс Франко потврдија со нивната глума за време на 83-тото издание на манифестацијата Оскар. Во 2011 година, обајцата беа водители на доделувањето на филмските награди, па се честеа со насмевки на телевизиските екрани, а прегратки во бекстејџ. Но, подоцна се откри дека тие воопшто не зборуваат еден со друг зад кулисите.  Франко и неумесно се пошегува со колешката во една емисија, па веќе е извесно дека нема пак да ги видиме заедно во брзо време.

Мајли Сајрус и Ники Минаж

Раперката индиректно ја „прозва“ Мајли Сајрус, тврдејќи дека единствените поп ѕвезди што добиваат награди се слаби бели девојки. Таа се пронајде во зборовите на Ники Минаж, па искоментира дека е „некултурна“. Останатото е историја. И двете се немилосрдни една кон друга при јавните појавувања, така што никако не може да најдат заеднички јазик.

Леонардо ди Каприо и Клер Дејнс

Во 1996 година, ди Каприо и Дејнс беа пар во романтичната драма „Romeo + Juliet“, освојувајќи ги срцата на публиката. Но, самите тие останале дистанцирани и ладни. 16-годишната глумица не била „импресионирана“ од задевањата на постариот колега. Oд друга страна, Лео чувствувал дека Клер е пресериозна за возраста, како и неспособна да прифати шега. Кога не снимале сцена, речиси и да не зборувале еден со друг. Дваесет и две години подоцна, односите им се подобрени, ама ни приближно пријателски.

М. A. | Црнобело