Зошто на божиќната честитка на кралицата Елизабета нема фотографија од Меган и Хари?

Детали

вторник, 24 декември 2019

На божиќните честитки на кралицата Елизабета, на нејзиното биро секогаш има фотографии од семејството, а овојпат ги нема оние кои имаа најтешка година - нејзиниот син Ендру и внукот Хари со Меган.

Во најновата божиќна честитка, која е снимена и ќе биде објавена утре на Божиќ, кралицата Елизабета признава дека 2019-та била тешка и турбулентна година за кралското семејство, но вели дека тешкотиите ќе ги надминат со мали чекори.

Принцот Филип се соочи со проблеми со полицијата заради сообраќајна незгода, принцот Хари ги призна тензиите во односот со брат му Вилијам, но откри и дека неговата сопруга Меган се мачи со новата улога како кралски член и нападите од јавноста, а принцот Ендру беше вклучен во неколку скандали и беше принуден да се откаже од кралските должности.

Секоја година, на бирото од каде ги снима честитките, покрај неа стојат неколку фотографии од семејството, кои индиректно раскажуваат приказни за изминатата година.

Овојпат, на бирото има фотографии од принцот Чарлс и Камила, од принцот Филип, од Кејт и Вилијам со децата и од нејзиниот татко, Џорџ VI, а единствени кои недостасуваат се токму оние кои имаа најтешка година - нејзиниот син Ендру и внукот Хари со Меган.

2018-та: по повод 70-тиот роденден на принцот Чарлс, сите фотографии на бирото се со него

2017-та: по повод годишнината со принцот Филип - една фотка од нив од младоста, една нова и по една од внуците Џорџ и Шарлот

2016-та: Се роди принцезата Шарлот, Чарлс и Камила прославија 10-годишнина од брак, а кралицата со принцот Филип се зближи многу повеќе

Иако ги нема на фотографија од официјалната честитка на кралицата, сепак на Твитер беше објавена онлајн божиќна честитка од принцот Хари и Меган, заедно со синчето Арчи. 

M. M. | Црнобело