Ѕвезди кои се доказ дека патот до успехот е навистина трнлив

Ричард Бренсон имал дислексија

На 16-годишна возраст, идниот милијардер морал да се отпише од училиште. Тој имал дислексија, па учењето му претставувало вистински проблем.

Но, Ричард не се откажал. Тој се преселил во Лондон и решил дека нема да ѝ дозволи на дислексијата да му го контролира животот.

Денес Риачрд е бизнис магнат чие богатство изнесува 4 милијарди долари.

На Шакира ѝ рекле дека „пее како коза“

Во второто одделение Шакира била дел од училишниот хор. Но, ја натерале да го напушти, а учителката по музичко ѝ рекла дека пее како коза.

Очигледно, погрешила.

Ела Фицџералд живеела во сиропиталиште

Детството и младоста на најпознатата џез пејачка биле исполнети со предизвици и тешкотии.

Кога имала само 14 години, мајката на Ела починала од инфаркт. Поради несогласувањата со нејзиниот очув, таа решила да се пресели кај тетка ѝ. Овде работела како чистачка во бордел, а пејачката никогаш нема прозборено за овој период од нејзиниот живот.

Набрзо полицијата дознала за неа, па ја сместиле во сиропиталиште. Набрзо потоа Ела избегала од сиропиталиштето и некој период била бездомничка.

Стивен Спилберг бил двапати одбиен од факултет

Кога семејството на Стивен се преселило во Калифорнија, режисерот двапати се обидел да се запише на факултетот за филмска уметност. И двата обиди биле неуспешни.

Тогаш Стивен се запишал на друго место, а за викендите работел на неговиот прв краток филм Amblin'. Останатото е историја. 

Том Круз постојано се соочувал со насилство

Семејството на Том Круз било сиромашно и, според него, татко му бил малтретирач и кукавица.

Неговите родители го удирале секогаш кога правел нешто лошо и актерот постојано живеел во страв.

На училиште, пак, постојано бил напаѓан и малтретиран од неговите соученици.

Џејмс Камерон спиел во автомобил

Пред да стане култен режисер и да го сними Titanic, Џејмс немал ни каде да преноќи. Па, често морал да преспива во неговиот автомобил.

Спирова С. | Црнобело