Ѕвезди кои се доказ дека патот до успехот е навистина трнлив
- Детали
- сабота, 18 јануари 2020
Постојано слушаме за тоа како познатите купиле огромна куќа, скап автомобил или потрошиле огромна сума пари за нешто што го сакаат.
Но, ретко кога се прашуваме како како ги заработиле тие пари или како го постигнале нивниот успех.
Се разбира, постојат и оние кои имале среќа да се родат во богато семејство, но некои од најбогатите луѓе на светот се доказ дека патот до успехот е навистина трнлив.
Нивните приказни нека ви служат како инспирација:
Илон Маск барал автомобилски делови во депонија
Еднаш мајката на Илон сподели фотографија од него од далечната 1995-та. На фотографијата се гледа како Илон поправа прозорец на автомобил.
Автомобилот на фотографијата е на Илон, а неколку дена претходно бил уништен од крадци. Тогаш Илон немал пари ни за сервис, ниту за нов прозорец, па отишол да ги бара потребните делови во депонија.
Денес Илон Маск „тежи“ 30 милијарди долари.
Даниел Крег спиел на клупи во парк
Кога имал 16 години, се преселил во Лондон. Таму успеал да му се приклучи на Националниот младински театар, а подоцна се запишал и на училиште за музика и театар.
Но, тогаш Даниел ги немал парите што ги има денес. Па, за да преживее, неуморно работел како келнер во лондонските ресторани. Во најтешките моменти од животот, останувал без кров над главата и морал да спие по паркови.
Шанаја Твејн пораснала во нефункционално семејство
Семејството на една од најпознатите кантри пејачки било далеку од совршено. Нејзината мајка и нејзиното очув имале вкупно 5 деца, а живееле во сиромаштија.
Па, 8-годишната Шанаја морала уште тогаш да настапува по клубови и барови. Пејачката има споделено и дека нејзиниот очув ги малтретирал неа и мајка ѝ.
Во еден момент, ситуацијата станала толку лоша, што Шанаја и нејзиното семејство живееле во засолниште за бездомници.
Кели Кларксон морала да се врати кај родителите откако ѝ изгорел станот
После матурирање, познатата пејачка решила да се пресели во Холивуд за да има повеќе можности за работа. Успеала да добие неколку телевизиски улоги, но после само неколку месеци, нејзиниот стан изгорел.
Некој период Кели живеела во нејзиниот автомобил. По некое време била присилена да се врати кај родителите и ја изгубила секоја надеж.
Таму таа глумела во локалниот театар, работела како келнерка и изведувала во забавен парк. Но, денес е светски позната пејачка.
Мајкл Џордан не бил примен во училишниот кошаркарски тим
Додека да заврши основно, Мајкл бил добар кошаркар. Не бил доволно висок, но бил брз и упорен.
Токму поради тоа се надевал дека ќе биде примен во кошаркарскиот тим на неговото средно училиште. Но, тренерот одбрал сосема други деца.
Ова го разочарало Мајкл, но истовремено го мотивирало да продолжи понатаму и да стане еден од најдобрите кошаркари на денешницата.