Како успеала Џенифер Анистон цела вечер да не го истутка Dior фустанот?

Детали

вторник, 21 јануари 2020

Џенифер Анистон изгледаше одлично на доделувањето на SAG наградите. Но, изгледа дека белиот Dior фустан е тежок за справување.

Актерката реши да сподели што се случувало зад сцените на гламурозната вечер и на шега објасни дека воопшто не ѝ било лесно.

Џенифер сподели фотографија на која се гледа како седи испружено во автомобилот за да не го истутка фустанот.

„Без набори… потешко отколку што изгледа!“, стои во описот на нејзината објава.

Познатата актерка ја искористи објавата и за да се заблагодари за добиената награда.

Анистон си заработи награда за Најдобра изведба на актерка во серија, па решила да се опушти, како што може да забележиме на втората фотографија каде се гледа статуетката, но и соблечениот Dior фустан во бањата.

„Некаде помеѓу овие две фотографии добив подарок што ќе го ценам и ноќ што никогаш нема да ја заборавам. Им благодарам на SAG Awards и The Morning Show, и нашата неверојатна екипа. Сега да се вратиме на работа!“

Џенифер го покажа нејзиниот фустан и на уште една фотографија.

Спирова С. | Црнобело