Плус-сајз моделот Ешли Греам доби син: „Се здебелив 22kg но воопшто не се грижам“
- Детали
- вторник, 21 јануари 2020
Ешли Греам и нејзиниот сопруг Џастин Ервин го добија нивното прво дете.
32-годишниот модел се породи во сабота, а во понеделникот ја сподели новоста на Instagram.
„Во 6 часот попладне во сабота нашите животи се променија на подобро. Ви благодарам на сите за љубовта и поддршката во овој неверојатен период“, стои во нејзината објава.
Ешли и Џастин споделија дека очекуваат дете на нивната 9-та годишнина во август.
„Пред 9 години се венчав со љубовта на мојот живот. Ова беше најубавото патување со мојата омилена личност. Денес се чувствуваме благословено, благодарно и возбудено да прославиме со нашето семејство кое се зголемува!“, напиша моделот.
Ешли беше отворена за нејзината бременост и често споделуваше фотографии од промените на нејзиното тело. Сепак, изјави и дека ѝ било тешко да го прифати нејзиното тело во текот на бременоста.
Но, со текот на времето ја прифатила промената, па пред еден месец изјави:
„Во бременоста се здебелив 22 килограми. А, најдоброто е што воопшто не ми грижа! Никогаш не сум се чувствувала подобро и сум благодарна што моето тело и син ми, ми дозволија да бидам подвижна и флексибилна.“
Засега се непознати други детали за детето, вклучувајќи го и неговото име.
Прочитајте и Ешли Греам е кралица на труднички аутфити – најдобрите комбинации од бременоста (фото)
Спирова С. | Црнобело