Памела Андерсон се омажи во тајност по петти пат со дечкото од пред 30 години

Детали

среда, 22 јануари 2020

После кратка тајна романса, Памела Андерсон се венчаше со филмскиот продуцент Џон Питерс.

52-годишната актерка и 74-годишниот продуцент го кажаа судбоносното „да“ на приватна церемонија во Малибу.

Интересно е што парот има долга историја. Имено, тие се гледаа пред повеќе од 30 години, откако се запознале во Плејбој вилата. Според изворите, романсата ја обновиле пред само неколку месеци.

„Имаше убави девојки насекаде. Можев да одбирам, но 35 години ја посакував само Памела“, изјави продуцентот познат по филмовите A Star is Born и Flashdance.

„Памела сè уште го нема покажано нејзиниот целосен потенцијал како артист. Допрва треба да заблеска на вистинскиот начин. Има многу повеќе од она што се гледа на површината, инаку не би ја сакал толку многу“, вели вљубениот продуцент за новата сопруга.

И Памела има само пофални зборови за Џон:

„Џон е оригиналното ’лошо момче‘ од Холивуд. Никој не може да се спореди. Вистински го сакам како да ми е семејство.“

Памела додава и дека на почетокот се плашела од неговиот живот. Но, тој никогаш не ја издал, па сега и двајцата се чувствувале подготвено да започнат заеднички живот.

„Многу се вљубени и се венчаа во понеделникот. Тие припаѓаат заедно. Прекрасна холивудска романса“, изјави извор близок на Памела.

Џон и Памела првпат се запознале во 1980-тите.

„Влегов и видов мал ангел кој седи покрај барот. Имаше 19 години. Знаев дека ќе биде голема ѕвезда“, изјави Џон за Памела тој период.

„На крај, живеевме заедно. Се разбира, Хефнер ја согледа нејзината убавина. Памела беше девојка која и без шминка изгледаше прекрасно. Беше многу паметна и многу талентирана. Пробав да ја убедам да не работи за Плејбој и да се фокусира на сериозна кариера. Но таа сакаше да соработува со Плејбој и се појави на 13 насловни.“

Џон платил за часовите по глума и танцување на Памела и ѝ помогнал да ја започне својата телевизиска кариера.

На крајот на 1980-тите тој ја запросил, но таа го одбила. Интересно е што тогаш ѝ рекол дека за 30 години, нивната возрасна разлика нема да има големо значење. Изгледа бил во право.

Спирова С. | Црнобело