Славни парови кои неколкупати се обидуваа да ја „спасат“ врската но, никако не им успеа

Детали

недела, 09 февруари 2020

Некои од славните парови навистина сакаа нивната врска да „опстане“, па затоа ѝ даваа и повеќе шанси. Но, никако не им успеваше.

Се сеќавате ли на турбулентната врската на Селена и Џастин, пред Џастин минатата година да се венча со Хејли Болдвин? Или, пак, врската на Мајли и Лиам, која се чини дека никогаш не издржуваше повеќе од неколку месеци?

Ние издвоивме 5 славни парови кои на нивните врски им дадоа повеќе од една шанса, но никогаш не успеаа да „застанат“ цврсто на нозе.

Во продолжение погледнете кои славни парови неколкупати се обидоа да ја „спасат“ врската, но не им успеа:

Селена Гомез и Џастин Бибер

Селена и Џастин почнаа да се состануваат на почетокот од 2011, но за брзо се разделија и почнаа да живеат различни животи.

Во септември 2014 повторно почнаа насекаде да се појавуваат како пар, но не издржаа ни еден месец пред повторно да се разделат.

Последната шанса што ѝ ја дадоа на нивната врска беше на почетокот од 2018, но ниту тогаш не издржаа долго пред да раскинат.

Мајли Сајрус и Лиам Хемсворт

Првпат се запознаа за време на снимање филм во 2009, а оттогаш па наваму ѝ дадоа многу „втори“ шанси на нивната врска. Но, изгледа никоја не им успеа.

Се верија за првпат во 2012, но една година подоцна ја раскинаа веридбата. Потоа, во 2018 повторно се верија, па дури и венчаа, но нивниот брак не издржа ни една година, пред целосно да се растури.

Овој јануари нивниот развод конечно беше финализиран.

Бен Афлек и Џенифер Гарнер

Првпат се венчаа во 2005, а по три деца и 10 години брак, во 2016 објавија дека се разделуваат. Во 2017 одлучија да ѝ дадат втора шанса да нивната врска, која беше целосно неуспешна, пред конечно да се разведат во 2018.

Ријана и Дрејк

Откако Ријана раскина со Крис Браун во 2009, својата утеха ја најде во Дрејк. Во едно интервју во 2011, Дрејк изјави дека бил повреден од страна на Ријана и дека нивната врска завршила.

Во март 2014 повторно беа забележани рака за рака во Лондон, а дека се повторно заедно потврдија во 2016 за време на VMA наградите, кога Дрејк јавно ѝ се заблагодари на Ријана во неговиот говор. Но, неколку месеци подоцна повторно раскинаа.

Откако деновиве насекаде се рашири веста дека Ријана раскина со нејзиното долгогодишно момче, почнаа повторно да се шират шпекулации дека можеби овој пар повторно ќе се смири. Но, засега, тоа се само шпекулации.

Т. Ѓ. | Црнобело