Кајли Џенер критикувана за роденденската забава на Сторми од 100.000 долари (фото)

Детали

вторник, 04 февруари 2020

Кајли Џенер организираше досега невидена забава за вториот роденден на ќерка си Сторми Вебстер. Целиот настан, пак, беше наречен StormiWorld 2.

Во саботата, 22-годишната Кајли им покажа на фановите како изгледаше роденденската забава на нејзината ќерка. Младата мајка уште во декември најави дека забавата ќе биде „луда“ и, очигледно, си го одржа зборот.

На забавата присуствуваа Крис Џенер, Тревис Скот, како и Кендал, Ким и Клое.

На влезот на забавата беше поставена огромна глава која наликува на Сторми.

Веднаш до влезот, пак, имало водич со мапа на која биле претставени сите атракции на забавата.

Имало и неколку тематски соби, направени според анимирани цртани, како Frozen и Trolls. Најголемата соба ѝ беше посветена на Сторми, а во неа биле вклучени огромна лизгалка, базен во форма на латинската буква S полн со топчиња, но и танчари со маски кои наликуваат на Сторми.

На забавата имало и дел наречен Crazy Dumbos, каде што гостите можеле да уживаат во лулашки инспирирани од Dumbo.

Како сето ова да не е доволно, Кајли направила и продавница за „сувенири“ во која се продавале перничиња и маици со „Сторми“.

На забавата присуствуваа многу познати гости, вклучувајќи ги Криси Тајген, Џон Леџенд, Хејли Бибер и многу други.

Наводно, целиот настан ја чинел Кајли вртоглави 100.000 долари.

Иако според фотографиите сите си поминале одлично, Кајли беше остро критикувана за забавата.

„Какво трошење пари. Се сомневам дека детето ќе се сеќава на забавата. Сè е за родителите.“

„Навистина се надевам дека ова девојче ќе порасне со малку смисла за реалноста“

„Ова ја носи нарцисоидноста на сосема ново ниво!“

„Постои одлична изрека – само затоа што можеш, не значи дека треба да направиш нешто. Вознемирувачко за сегашноста и иднината на детето.“

Сепак, постојат и оние кои ја одбранија Кајли и изјавија дека би сакале да присуствуваат на таква забава.

Што мислите вие? Има ли потреба од ваква забава за роденден што девојчето веројатно нема ни да го помни?

Спирова С. | Црнобело