Лејди Гага ја потврди врската со Мајкл Полански - Што знаеме за новото момче?

Детали

вторник, 04 февруари 2020

После раскинувањето на свршувачката со Кристијан Карино и кратката романса со Ден Хортон, Гага ја започна 2020-та со ново момче.

Гага првпат се појави во јавноста со Мајкл Полански на натпреварот Super Bowl, по што веднаш почнаа шпекулации за нивната врска.

Сосема неочекувано, пејачката објави Instagram фотографија со која ги потврди гласините за нејзината нова љубов.

Па, кој е Мајкл Полански?

Извршен директор на фондацијата Паркер

Мајкл, заедно со Шон Паркер, ја основал фондацијата Паркер. Шон, пак, е коосновач на големи бизниси, како Napster и Facebook.

Организацијата, која почна со работа во 2015-та, ги поддржува науката, глобалното здравје и уметноста.

Мајкл е и дел од Parker Institute for Cancer Immunotherapy во Сан Франциско, чија цел е спонзорирање на истражувања за лекување рак.

Завршил на Харвард

Мајкл студирал применета математика и информатика на Харвард. Според неговиот LinkedIn профил, дипломирал во 2006-та.

Првпат беше поврзан со Гага околу Нова година

Полански и пејачката наводно биле заедно неколку недели пред јавноста да „намириса“ нешто.

Всушност, биле фотографирани и како се бакнуваат на новогодишната вечер во Лас Вегас. Тој период, никој не го знаеше идентитетот на филантропот.

„Се гледаат уште пред празниците и таа е луда по него. Се дружеа во Лос Анџелес и минуваа многу време во нејзината куќа. Таа го носи каде и да оди и не сакаат да бидат разделени“, сподели еден извор.

Наводно, се запознале преку Шон Паркер

Според изворите, Гага и Мајкл најверојатно се запознале на еден од настаните што Паркер ги организирал во неговиот дом во Лос Анџелес. Еден извор тврди дека парот се запознал на роденденската забава на Паркер, во декември 2019-та.

Спирова С. | Црнобело