Хајди Клум и сопругот се бакнуваат преку стакло додека чекаат резултати од тестот кој едвај го нашле

Детали

понеделник, 16 март 2020

46-годишната Хајди почувствувала симптоми на корона вирус, па решила да направи тест, кој едвај успеала да го најде, а додека ги чека резултатите седи во одвоена просторија од сопругот.

Хајди Клум во вторникот се разболела пред да почне снимањето на America’s Got Talent, а на Инстаграм Стори ги извести фановите за нејзината состојба.

Таа почувствувала треска, температура, кашлица и растечен нос, но не можела да се тестира за COVID-19.

„Се надевам дека е само обична настинка, би сакала да направам тест за корона, но тука нема никаде тест. Се обидов кај двајца различни доктори и не можам да најдам“, изјави супер моделот, но откако и нејзиниот сопруг Том Каулиц, се вратил болен од турнеја, парот конечно успеал да направи тест.

Додека ги чекаат резултатите од тестот, Хајди и Том се во самоизолација и се заштитуваат меѓусебно во различни простории, а на Инстаграм објавија видео во кое се бакнуваат преку стакло.

„Како многу од вас, и јас се разболев, како и мојот сопруг кој неодамна се врати од турнеја. За да се заштитиме, седиме одвоено додека не стигнат резултатите од тестот за корона.

Не сакаме да шириме бактерии и да ги загрозуваме другите, па дури и ние самите меѓусебно. Колку и да сакам да го прегрнам и бакнам, многу е поважно да ја направиме правилната работа и да не дозволуваме да се шири.

Ова се чудни времиња... но во овие моменти, се потсетувате на она што е навистина важно – луѓето кои ги сакате и нивна заштита.“

Хајди уште еднаш апелираше до сите да си останат дома и да се заштитат себеси и најблиските.

М. М. | Црнобело