Без раскошни забави: Како Кајли Џенер го помина 23-иот роденден + најдобри модни изданија

Детали

вторник, 11 август 2020

Во понеделникот Кајли наполни 23 години, но годинава младата милионерка се воздржа од голема забава.

Викендот Кајли прослави со нејзините најблиски пријатели, а на Instagram, пак, се пофали со изненадувањето што ѝ го приредило семејството - интересни цветни аранжмани и натпис „Среќен роденден Кајли“ со огромни букви.

Таа сподели и фотографија каде што носи сатенски фустан, на кој е извезен римскиот број 23 со дијаманти.

„23! Благодарна сум за уште една година. Благословите и лекциите… тука сум за сè и многу сум ви благодарна на сите“, стои во описот на објавата.

Кајли сподели и слатка фотографија од неа и Сторми, и нејзината роденденска торта, изјавувајќи дека тоа е најдобриот подарок од сите.

Од семејството, Кајли најпрво доби честитка од мајка ѝ Крис, која сподели неколку ретро фотографии од Кајли и ја нарече „најдобрата ќерка, внука, сестра, пријателка и мајка“.

И Клои сподели неколку постари фотографии со кои ѝ го честита роденденот на помалата сестра.

Иако има само 23 години, Кајли веќе важи за модна икона и стана препознатлива по комбинациите што ги носи.

На следната страница погледнете кои се нејзините најдобри модни изданија...