Не ѝ треба Канје за богатство – Ким Кардашијан стана милијардерка и прослави на луксузен одмор

Детали

среда, 07 април 2021

Ким Кардашијан е доказ дека не ѝ е потребен маж за да успее сама и да стане милијардерка - таа официјално се најде на листата на милијардери на Форбс на свои 40 години, а веста ја прослави со фотка од луксузниот одмор. 

Ким (40) неодамна поднесе документи за развод од сопругот Канје Вест, а по добиената вест дека и официјално е на листата на милијардери на Форбс, таа на социјалните мрежи сподели две фотки во бикини на плажа, а во описот напиша „Bliss“ (Радост).

Фотките веројатно се направени на одморот кој го започна за време на велигденските празници, кога кланот Кардашијан-Џенер одлучи да земе „здив“ од напорната работа.

Според анализите на Форбс што беа објавени вчера (06.05.2021), Ким сега тежи точно една милијарда долари, а во октомври била проценета на само 780 милиони долари.

Зголемувањето на богатството на Ким се должи на двата бизниси што таа ги предводи – KKW и Skims. Парите од реалните шоуа и од реклами се само дел од „колачот“.

Во јуни минатата година, Ким, според Форбс, тежеше 900 милиони долари, а по најавувањето дека Coty ќе откупи дел од нејзината козметичка линија, веќе беше јасно дека Ким ќе се најде и на официјалната листа на бизнисмени тешки над 1 милијарда долари.

Б. С. Б. | Црнобело