Мигот кога 13-годишната принцеза Елизабета се вљубила во Филип (19) и не погледнала друг маж оттогаш (фото)

Детали

недела, 11 април 2021

Фотографија направена во судбински миг... Првата средба на принцезата Елизабета (13) со заводливиот 19-годишен кадет Филип.

Принцезата Елизабета како мала не сакала големи социјални средби, ниту луди забави, како другите припадници на кралското семејство. Скромната принцеза на само 13 години, во јули 1939, го запознала принцот Филип од Грција, кој бил кадет на колеџот Dartmouth Royal Naval. Тој имал 19 години и бил висок, привлечен и самоуверен.

Оваа средба била судбоносна, а постои дури и фотографија направена во тој миг.

Елизабета била воодушевена од младиот кадет и не можела да ги тргне очите од него и во тој миг се вљубила во својот иден сопруг, пишува официјалниот биограф на нејзиниот татко, кој добил од неа потврда за тоа.

Таа никогаш не ја заборавила средбата со Филип и во своето биро чувала фотографија од неа.

Во септември 1942 Елизабета до некој свој пријател испратила писмо во кое пишива за Филип и вели дека тој е вистинскиот за неа.

Во март 1944 година, годината кога Елизабета полнела 18 години, се говорело за нејзина свршувачка со друг маж, но за среќа нејзиниот татко, кралот Џорџ VI, ја одбил понудата со образложение дека е премлада за тоа.

„Го сакам Филип, тој е интелигентен, има добра смисла за хумор и мисли за работите на вистинскиот начин“, биле зборови на Елизабета.

Во Јануари 1944 година осамнала информацијата дека Елизабета и Филип најверојатно се состанувале веќе 18 месеци, но нејзините родители сметале дека е премлада за свршувачка и со него. Тие сакале да види повеќе од светот пред да се вети некому.

Филип бил мажествен, самоуверен и забавен и околу него се вртеле многу жени, но и покрај предупредувањата дека може да ѝ биде неверен Елизабета го прифатила предлогот за брак од него во летото 1946 година.

Филип во тој период бил сиромашен, но имал заслуги и го биело добар глас.

Нејзината смиреност и конзервативизам го контролирале неговиот темперамент и хиперактивност. Се надополнувале еден со друг совршено.

Парот се венчал на 20 ноември 1947 година и оттогаш сѐ е историја.

С. С. | Црнобело