Ким Кардашијан ги збуни фановите – среде развод јавно му изјави љубов на Канје за роденденот
- Детали
- среда, 09 јуни 2021
Додека гласините за врската помеѓу Канје и Ирина Шајк не стивнуваат, Ким јавно му изјави љубов на поранешниот партнер, по повод неговиот роденден: „Ќе те сакам за цел живот“, напиша таа на Инстаграм откако ја видовме како плаче за разделбата.
Канје Вест вчера (8-ми јуни 2021) го прослави 40-иот роденден, а по тој повод на социјалните мрежи се огласија и членовите на кланот Кардашијан-Џенер.
Честитката на Ким посебно ги збуни фановите, бидејќи таа јавно му изјавува љубов, иако нивниот љубовен однос во последните месеци се влоши, а се и среде постапка за развод.
„Ќе те сакам цел живот“ – напиша Ким до стара фотка од нив заедно со децата.
Освен оваа фотографија, Ким на Инстаграм Стори објави и ретро фотка од Канје од 1987-мата година.
Освен Ким, роденденот на Канје со фотографии на Инстаграм го обележаа и Клои Кардашијан која го нарече „брат за цел живот“, но и Крис Џенер која само објави нивна заедничка фотографија.
Инаку, пред само неколку дена имавме можност да ја видиме Ким како плаче и беше разоткриено дека таа навистина тешко се справува со разводот од Канје и покрај тоа што се обидува да прикаже поинаква слика на социјалните мрежи.
Во последната епизода од реалното шоу Keeping up with the Kardashians беа прикажани снимки на кои Ким плачеше по голема расправија со нејзиниот сопруг и каде отворено призна дека се чувствува како губитник затоа што ова ѝ е трет пропаднат брак.
Од друга страна, ријалити ѕвездата која сама поднесе документи за развод во февруари по речиси 7 години брак, сè уште во јавноста го користи презимето на нејзиниот сопруг на социјалните мрежи, но и кога дава автограми.
За Канје Вест пак веќе кружат гласини дека се гледа со манекенката Ирина Шајк. Што ќе се случи, останува да видиме.
Б. С. Б. | Црнобело
Би можело да ве интересира:
Препорачуваме
Најчитани неделава
