Бритни Спирс на заслужен одмор на Хаваи со момчето Сем, по шокантното сведочење против татко ѝ (фото)

Детали

сабота, 26 јуни 2021

Неколку денови по сведочењето против нејзиниот татко каде што откри навистина шокантни работи, вклучувајќи и тоа дека не ѝ дозволувал да има деца, Бритни Спирс замина на заслужен одмор со нејзиното момче Сем Ашгари.

По голготата што ја помина поради нејзиниот татко, на фоките од одморот во Хаваи, Бритни изгледа навистина среќно и опуштено.

Во сведочењето, Бритни првпат откри детали од хоророт со којшто се соочувала, нагласувајќи дека татко ѝ не ѝ дозволува да стапи во брак со Сем, ниту, пак, да има деца. Освен парите, тој го контролирал буквално секој аспект од нејзиниот живот, а сега пејачка одлучи дека е време да стави крај на целата ситуација.

Прочитајте повеќе: Џастин Тимберлејк застана во одбрана на Бритни Спирс, по потресното сведоштво дека не ѝ дозволуваат да има деца

По сведочењето Бритни им се извини и на фановите за тоа што ги лажела дека е во ред.

Сега, неколку денови подоцна, пејачката е на заслужен одмор со момчето Сем, а според фотките изгледа дека си поминуваат одлично. Парот беше фотографиран како ужива во сончевиот ден, а и самите ќе ги забележите насмевките на нивните лица.

Претходно, Сем сподели неколку смешни видеа со Бритни од приватниот авион со кој летаа до Хаваи, а се чини уште тогаш биле во одлично расположение.

Погледнете и Бритни Спирс конечно проговори: „Се извинувам што лажев дека сум во ред во последните две години – не сум добро“

Спирова С. | Црнобело