Бизарно признание на Мила Кунис и Ештон Кучер: „Децата не ги бањаме додека не се извалкаат, а сапун ретко користиме“

Детали

среда, 28 јули 2021

Ги бањаат децата само кога се видно извалкани, а ниту тие самите не се големи обожаватели на туширање и користат сапун само под пазувите и за интимните делови - Мила Кунис и Ештон Кучер ја шокираа јавноста говорејќи за хигиенските навики во нивното семејство.

Ештон (43) и Мила (37) признаа дека ги бањаат ќерката Вајат (6) и синот Димитри (4) само кога изгледаат валкани, а не секој ден како што е пракса кај многу родители.

Причината е за да избегнат да користат сапун на телата на нивните деца. Па така, како што открија, дури и кога ќе одлучат да ги бањаат децата, речиси и да не користат сапун затоа што не сакаат да им се исуши кожата.

Познатата актерска двојка говореше за сопствените шокантни хигиенски навики во поткастот Armchair Expert на Дакс Шепард и Моника Падман.

Двојката отиде уште подалеку па откри дека дури и тие двајцата мошне ретко користат сапун освен под пазувите и на интимните делови од телото.

Мила појасни дека како дете многу ретко се бањала затоа што воопшто и немале вода во домот во Украина.

„Немавме топла вода додека растев, па затоа и не се туширав многу. Но, и кога децата ми беа мали не ги бањав секој ден. Не сум од оние родители што ги бањаат новороденчињата секој ден“ – рече таа.

Нејзиниот сопруг сакаше да ги појасни нивните хигиенски навики па рече:

„Значи едноставно е: Ако видите дека се валкани, измијте ги. Во спротивно, нема потреба“, а како што рече истиот принцип се однесува на сите други хигиенски навики.

Тој појасни дека по вежбањето има навика да го измие лицето со вода, за да ја измие потта, а Мила вели дека го мие лицето двапати дневно.

Инаку, Мила и Ештон стапија во брак во 2015-тата година. Во однос на воспитувањето на децата тие се сосема поразлични од другите холивудски двојки.

Тие ги учат децата дека се сиромашни и не ги разгалуваат со скапи подароци. Ги учат дека се сосема „обични деца“ и не ги носат да позираат на црвениот тепих.

Прочитајте и 12 причини зошто децата на Мила Кунис и Ештон Кучер нема да имаат пријатели во Холивуд

Погледнете уште неколку фотографии од Мила и Ештон со децата:

Б. С. Б. | Црнобело