Кетрин Зита-Џонс (51) мами воздишки покрај сопругот Мајкл Даглас (76) – што носеа ѕвездите на Еми наградите? (фото)

Детали

понеделник, 20 септември 2021

Кетрин Зита-Џонс доминираше на црвениот тепих со гламурозен црвен фустан, а Ана Тејлор Џон изгледаше беспрекорно со елегантната комбинација во жолта боја – што носеа познатите на овогодишното доделување на Еми наградите?

По минатогодишното виртуелното доделување, 73-тото издание на Еми наградите се одржа во живо, па годинава имавме можност да уживаме во креациите од црвениот тепих.

Доделувањето се одржуваше во Лос Анџелес, а поради пандемијата бројот на присутни бил ограничен на „само“ околу 500. Истовремено, сите присутни морале да покажат потврда за вакцинација или негативен тест.

За разлика од Мет галата којашто се одржа неодамна, на Еми наградите познатите личности се појавија со поедноставни и поелегантни комбинации.

Можеби најголеми ѕвезди на настанот беа Кетрин Зита-Џонс и Ана Тејлор Џој, најпозната по улогата во The Queen’s Gambit.

51-годишната Кетрин се појави на доделувањето со сопругот Мајкл Даглас и на црвениот тепих го донесе холивудскиот гламур.

Актерката изгледаше беспрекорно со долг, темноцрвен фустан со висок шлиц, во комбинација со дијамантски накит.

25-годишната Ана се појави во долг сатенски фустан со долга жолта наметка, а комбинацијата ја дополнила со дијамантски обетки.

На црвениот тепих имавме можност да ја видиме и елегантна Кејт Винслет со долг, црн фустан, а многу внимание привлече и Елизабет Олсен со долгиот бел фустан со широки ракави.

Генерално, скоро сите ѕвезди изгледаа одлично, со доза гламур и елеганција во нивните комбинации.

Во продолжение дел од ѕвездите што се појавија на црвениот тепих на Еми наградите:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело