Призна дека ја изневерил, а љубомори за новиот дечко – Состојбата на Канје се влошува додека Ким се забавува со Пит Дејвидсон

Детали

петок, 05 ноември 2021

Додека Ким Кардашијан ужива во друштвото на Пит Дејвидсон, состојбата на Канје Вест се влошува – раперот си направи чудна фризура, ги избричи веѓите, излегуваше со бизарни маски на лицето и вели дека Ким уште е негова сопруга.

По сè изгледа дека помеѓу Ким Кардашијан и Пит Дејвидсон навистина има нешто, откако извори потврдија дека парот бил на вечера во Њујорк, и тоа неколкупати.

Ким беше забележана како влегува во ресторанот, кој наводно е омилениот на Пит, со долг кадифен фустан и коса собрана во плетенка. Според изворите, Пит пристигнал 10-тина минути порано и влегол од задниот влез.

Една вечер претходно, Ким и Пит биле на уште една вечера и успешно се скриле од папараците.

„Пит организираше приватна вечера на кровот на ресторанот. Беа само тие двајца. Со нив немаше обезбедување и успеаја да се искрадат во и од ресторанот без никој да ги види“.

Прочитајте повеќе: Нова љубов на повидок: Ким Кардашијан (41) се држи за рака со Пит Дејвидсон (27) – бившиот на Аријана Гранде (фото)

Наводно, Ким била воодушевена од смислата за хумор на Пит.

„По ужасната година што ја имаше, Ким сака малку забава, а Пит ѝ го дава токму тоа. На Ким ѝ е одлично со Пит бидејќи прави да се чувствува младо“.

Ким и Пит се зближија по гостувањето на ријалити ѕвездата во SNL, каде што сними скеч со младиот актер за кој споделија и бакнеж. Бидејќи многупати го вежбале скечот, тие се зближиле, а нивната поврзаност бил повеќе од очигледна.

„Многу се забавуваа – можевте да ги видите искрите. Се гледаше дека веднаш станаа пријатели додека траеше снимањето“.

Но, додека Ким ужива и се забавува, изгледа дека состојбата на поранешниот сопруг Канје Вест само се влошува.

Имено, Канје воопшто не бил среќен за скечот на Ким и Пит и избувнал откако го видел моментот кога се бакнуваат.

„Се преправа дека е во ред со целата ситуација. Но излета од просторија кога го изгледа скечот и кога сфати колку добро се согласуваат Ким и Пит зад камерите.

Не покажува гнев, но дефинитивно е засрамен што ги виде како се бакнуваат пред него и пред целиот свет, дури и ако тоа е само глума“, вели извор близок до раперот.

Истовремено, раперот изјави дека Ким уште е негова сопруга. Во краток инсерт за поткаст, раперот вели дека уште е во брак со Ким и ја нарече „негова сопруга“ бидејќи „нема никакви документи“.

Веројатно Канје алудира на фактот дека нивниот развод уште е во тек.

Фановите почнаа да се грижат за состојбата на Канје уште пред гласините за Пит и Ким, кога раперот објави фотографија со чудна фризура, а истиот период двапати беше забележан во јавност со маска.

Во Венеција, но и во Њујорк, раперот прошета низ улиците со бизарни маски на лицето, кои изгледаат дури и морничаво.

Како сето да не е доволно, раперот уште еднаш ја разбранува јавноста откако се појавија фотки на кои нема веѓи.

Според изворите, Канје водел миса за Ноќта на вештерките, а од настанот има фотографија на која добро се гледа дека нема веѓи. Ден-два подоцна, тој беше забележан и во јавност без веѓи.

Ким повеќе не зборува за влошеното ментално здравје на Канје, но има изјавено дека секогаш ќе го поддржува и секогаш ќе бидат пријатели.

Ријалити ѕвездата поднесе барање за развод во февруари, а неодамна Канје си ги „призна“ грешките што довеле до разделба. Преку песните од неговиот нов албум, Канје изјави дека ја изневерувал, имал сериозни проблеми со пиењето и постојано бил отсутен.

Прочитајте повеќе:  Канје Вест преку песна признава каде згрешил во бракот со Ким: „И по две деца ја изневерував, не си одев дома, пиев“

Спирова С. | Црнобело