Со сопругата имаат отворен брак, израснал со насилен татко – Факти за Вил Смит

Детали

петок, 05 ноември 2021

„Кога имав 9 години го гледав татко ми како ја удира мајка ми толку силно по глава, што таа се онесвести. Ја гледав како плука крв“ - актерот Вил Смит се отвори за трауматичното детство + уште неколку факти за неговиот живот кои не сте ги знаеле.

Актерот Вил Смит деновиве е актуелен откако во јавноста откри повеќе детали од неговиот интимен живот преку мемоарите насловени Will што ќе бидат објавени наскоро.

Вил Смит (53) израснал во семејството на Вилард Карол Смит Сениор и Каролин Брајт.

Тој е едно од 4-те деца во семејството - има една 4 години постара сестра од него Памела и близнаците Хари и Елен што се 3 години помлади.

Сепак, нивното детство воопшто не било безгрижно.

Дел од светските медиуми објавуваат извадоци од неговите мемоари во коишто тој изнесе повеќе интересни детали за сопствениот живот.

Особено внимание кај јавноста привлече фактот дека тој имал мошне трауматични искуства во детството, што вели го следеле и во следниот период од животот.

„Татко ми беше насилен, но исто така беше присутен на секој училишен натпревар, драмска претстава или рецитал. Тој беше алкохоличар, но беше трезен на секоја премиера на сите мои филмови. Ги слушаше сите мои песни, го посетил секое студио каде снимав“ – вели тој.

Понатаму, појаснува дека во еден миг кога го видел татко му дека е насилен со неговата мајка му, го променил животот во целост.

„Кога имав 9 години го гледав татко ми како ја удира мајка ми толку силно по глава, што таа се онесвести. Ја гледав како плука крв. Тој миг го дефинираше тоа што ќе станам“ – вели Вил.

Актерот признава дека целиот живот чувствувал вина затоа што не успеал да ја заштити мајка си тој ден и не му се спротивставил на татко му.

„Како дете секогаш си велев дека еден ден ќе ја осветам мајка ми, дека кога ќе бидам доволно голем и силен, кога повеќе нема да бидам кукавица, ќе го убијам.

Една ноќ додека го носев со инвалидската количка до неговата спална соба во тоалетот, ми се стемни.

Помеѓу двете простории има скали.  Застанав на врвот на скалите. Можев да го турнам долу и лесно да се извлечам. Но, ја протресов главата и продолжив да го носам до тоалетот“ – пишува Вил.

Татко му почина во 2016-та година, а Вил открива дека нивниот турбулентен однос го научил што значи во целост да си исполнет.

„Ништо од материјалниот свет не може да ти донесе внатрешен мир и исполнетост“ – рече Вил.

На следната страна уште неколку интересни факти за актерот што можеби не сте ги знаеле...