Семејно насилство, детство во Плејбој вилата – кои се децата на Хју Хефнер и колку пари наследија од него?
Спонзорирано од:
Спонзорирано од ОгласиЗаРабота.мк
монтер 18-01-2022


Семејно насилство, детство во Плејбој вилата – кои се децата на Хју Хефнер и колку пари наследија од него?

Хју Хефнер има четири деца од кои три можат да се пофалат со мошне успешни кариери, а сите добиле дел од неговото богатство, под услов никако да не користат дрога и алкохол. Поради ова, тие редовно биле тестирани пред да ги добијат парите.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-01.jpg

Хју Хефнер е најпознат по магазинот за возрасни Плејбој и лудите забави во неговата Плејбој вила, но во приватниот живот тој бил и грижлив и посветен татко.

Хефнер има четири деца од два брака. Од првиот брак со Милдред Вилијамс, кој траеше од 1949 до 1959 година, тој ги доби синот Дејвид и ќерката Кристи.

Од вториот брак со Кимберли Конрад, со која се венча во 1989 година, Хефнер ги доби синовите Марстон и Купер. Хефнер и Кимберли се разделија во 2010-та, истата година кога тој се вери со Плејбој ѕвездата Кристал Харис.

Интересно е што, за разлика од него, неговите деца се држат понастрана од јавноста и се доста успешни во нивните области, но едно од нив сепак имало проблеми со законот.

Кристи Хефнер

Најстарото дете на Хефнер е ќерката Кристи која е родена во ноември 1952 година. Таа има завршено англиска и американска литература на универзитетот Brandeis, а дипломираше во 1974-та.

Во 1982 година таа почна да работи во фирмата на татко ѝ – Плејбој – а шест години подоцна стана и извршен директор. Кристи беше на функцијата до 2009 година.

Се проценува дека денес нејзиното богатство изнесува околу 30 милиони долари.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-02.jpg

Дејвид Хефнер

Второто дете од првиот брак на Хефнер е синот Дејвид кој е роден во 1955 година. И тој има завршено факултет – филмска уметност и дигитални медиуми – на универзитетот во Калифорнија.

За разлика од сестра му Кристи, Дејвид никогаш не работел за Плејбој и наместо тоа си отвори своја консултантска фирма.

Дејвид се проба и како филмски продуцент, а неговиот прв филм ја доби главната награда во 2010 година на фестивалот Dances With Films.

Денес Дејвид има околу половина милиони долари.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-03.jpg

Марстон Хефнер

Марстон е првото дете на Хефнер со втората сопруга Кимберли Конрад. За разлика од останатите деца на Хефнер, Марстон е попроблематичен.

Во првите осум години од животот, Марстон живееше во Плејбој вилата – место што воопшто не е погодно за мало дете. И во тинејџерките години, голем дел од времето минувал во познатата вила.

„Како 15-годишно дете, одвреме-навреме гледав голи луѓе. Едноставно, таков е животот кога растете како синот на Хју Хефнер, во неговата сенка“.

Во 2012-та, кога имаше 21 година, Марстон беше уапсен поради семејно насилство. Наводно, тој ја удрил неговата тогашна девојка Клер Синклер, по што мораше да се приклучи на програма против семејно насилство.

Истовремено, доби наредба од судот да не ѝ се приближува на Клер најмалку три години.

Марстон не постигна успех како неговите браќа и сестри, но себеси се нарекува писател и тврди дека има напишано книга за зомбиња која уште не е издадена.

Не е познато колку точно пари има Марстон, но се претпоставува дека неговото богатство изнесува околу 1,6 милиони долари.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-04.jpg

Купер Хефнер

Најмалото дете на Хефнер може да се каже и дека е најуспешното. Тој имаше неколку високи функции во Плејбој, основашe своја компанија и беше дел американските воздушни сили.

Исто како брат му Марстон, и тој пораснал во Плејбој вилата, но очигледно ова немало лошо влијание врз него.

Неодамна тој стана и татко откако со сопругата Скарлет Бирн добија близначиња.

Богатството на Купер се проценува на 5 до 10 милиони долари.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-05.jpg

Кој го наследи богатството на Хју Хефнер?

По неговата смрт во 2017 година, зад себе Хефнер остави богатство од 35 милиони долари – сума значително помала од очекуваното.

Во златната ера на Плејбој, магазинот вредеше 200 милиони долари, а околу 2000-тите, вредноста порасна до 399 милиони.

Сепак, до 2017-та, Хефнер поседуваше само 30-тина проценти од брендот, па затоа се намали и неговото богатство.

Кратко по неговата смрт, јавноста дозна дека парите биле еднакво поделени помеѓу неговите деца и неговата тогашна сопруга Кристал Хефнер.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-06.jpg

Сепак, Холи Медисон, која му беше долгогодишна девојка на Хју, тврдеше дека во тестаментот Хефнер навел дека таа ќе добие 3 милиони долари. Тврдењата не беа потврдени, па на крај парите на Хефнер си ги поделија неговите деца и сопругата Кристал.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-07.jpg

Сепак, Хефнер сакал да се осигури дека неговите деца нема да застранат, па поставил необичен услов.

Во неговиот тестамент било нагласено дека доколку кое било од децата почне да користи алкохол или наркотици, нема да добие ништо. Истото правило важело и за сопругата Кристал.

Хефнер бил толку сериозен со оваа одлука, што по неговата смрт сопругата и децата редовно биле тестирани за дрога.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-08.jpg

Плејбој вилата, пак, сега е во сопственост на милионерот Дарен Метропулос кој ја купил за 100 милиони долари пред смртта на Хефнер. Сепак, денес куќата е напуштена и е во фаза на распаѓање, а по смртта на Хефнер неколкупати била ограбувана.

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-09.jpg

semejno-nasilstvo-detstvo-vo-plejboj-vilata-koi-se-decata-na-hju-hefner-i-kolku-pari-nasledija-od-nego-10.jpg

Спирова С. | Црнобело

Би можело да ве интересира:

Дејвид Бекам на Вимблдон како излезен од модна писта (фото) Откако Меган Маркл беше критикувана за не почитување на дрес кодот на Вимблдон, ...
Фотки од празничниот семеен одмор на Бекамови (фото) Дејвид и Викторија Бекам новата година ја прославија како вистинско среќно семеј...
Што треба да знаете за Купер Хефнер (26), синот и наследник на Хју Хефнер? Легендарниот основач на магазинот Playboy, Хју Хефнер ќе остане запаметен по нег...

Најчитани неделава

sonovnik-sidebar.jpg