Џејмс Франко откако плати милиони за злоупотребување, призна: „Спиев со студентки, но бев зависен од секс“

Детали

четврток, 23 декември 2021

„Знаев дека не е во ред што спијам со моите студентки, но сметав дека ако тие се согласни, тогаш нема да имам проблеми“ – Холивудскиот актер Џејмс Франко отворено проговори за обвиненијата за сексуално малтретирање.

Во 2018-тата година холивудскиот актер Џејмс Франко (43) беше обвинет од страна на пет жени за сексуално злоупотребување.

Според изјавите, стануваше збор за негови студентки што зеле часови во неговата филмска школа. Четири од жените тврделе дека биле негови студентки, а една тврдеше дека тој бил нејзин ментор.

Две од студентките, Сара Титер Каплан и Тони Гал поднесоа тужба до судот во 2019-тата година и тврдеа дека Франко и другите инструктори вршеле притисок врз жените да се соблекуваат за време на аудиција, а лажно им ветувале можности за улоги во филмови, што никогаш не се случиле.

Судскиот спор беше решен со спогодба „тешка“ 2 милиони и 235 илјади долари во јуни годинава, а сега Џејмс Франко отворено проговори за тоа што се случувало.

Франко, чија блескава холивудска кариера тргна по надолна линија по скандалот, даде интервју за Џес Кејгл од SiriusXM, при што нагласи дека сметал дека тоа што имал согласност од студентките била доволно добра причина за да има секс со нив.

„Признавам дека имав секс со студентките. Немав секс со никого на мојот час за секс-сцени, но за време на моите предавања имав секс со студентки и тоа не беше во ред.

Но, како што реков, сексот со студентки не беше причината поради која ја отворив школата и јас не бев тој што ги избираше луѓето што доаѓаа на моите часови.

Така што, немаше никакви планови од моја страна. Но, да, имаше случаи, каде бев во сексуални односи со студентка што се согласила да спие со мене, а не требаше да го правам тоа“ – вели тој.

„Во тоа време сметав дека ако имам согласност од студентката, тогаш е во ред. Секако, знаев дека тоа не е во ред. Во тој период не размислував најдобро“ – вели тој.

Целото интервју на Франко траеше околу 4 часа, а во него тој говореше за сопствените зависности од алкохолот, но потоа и од зависноста од успех, па од секс.

Тој појаснува дека неговиот спонзор што му помагал да се справи со зависностите од алкохол му препорачал некој период да остане сингл и да се држи само до забавите за една ноќ, што тој го искористил како совет да има секс со секоја девојка со којашто ќе му се укаже прилика.

Џејмс кој си призна дека бил зависник од алкохол на возраст од 17 години, сфатил дека постојано имал проблем со зависностите.

Па така, кога се ослободил од алкохолот, станал зависен од успехот и потребата за внимание, па и вниманието од жените.

Тој си признава дека нештата во голема мера се промениле откако ја запознал неговата сегашна девојка Изабел Пакзад.

„Ги изневерував сите пред Изабел“ – тврди тој.

Погледнете го видеото од гостувањето на Франко:

Б. С. Б. | Црнобело