Ја навреди Тејлор Свифт, со Џеј Зи се скара заради Бијонсе - Сите конфликти на Канје Вест

Детали

недела, 27 март 2022

Ја навреди Тејлор Свифт, деновиве редовно упатува закани кон новото момче на неговата поранешна сопруга Ким, а списокот на колеги и луѓе со кои Канје Вест е скаран е премногу долг. Погледнете дел од неговите најпознати конфликти.

Поранешниот сопруг на Ким Кардашијан, Канје Вест важи за една од најтешките личности за соработка.

Тој во повеќе наврати досега јавно го искажува сопственото мислење за другите колеги, а во повеќе наврати влегол и во отворен конфликт со повеќе од нив.

Канје Вест (44) во последниот период е во фокусот на јавноста заради разводот со Ким Кардашијан (41), но и заради јавните навреди што ги упатува кон нејзиното ново момче Пит Дејвидсон (28).

Во текот на изминатата недела, на раперот кој легално го промени своето име во „Је“, Инстаграм му забрани 24 часа да објавува содржини на неговиот профил поради тоа што ја прекршил политиката за вознемирување на социјалната мрежа.

Сепак, ова не е првпат Канје да биде во центарот на вниманието заради конфликтите и отворените расправии со колегите, но и со бившите момчиња на неговите партнерки.

Во продолжение да проследиме некои од најголемите кавги на раперот:

Канје VS Тејлор Свифт

Канје во 2009-та година се качи на сцената на MTV Music Video Awards и го прекина говорот на Тејлор Свифт која таа година ја доби наградата за најдобро видео од женски изведувач и јавно порача дека наградата ѝ е незаслужена, бидејќи Бијонсе требало да победи.

Иако се чинеше дека нивните односи делумно се подобрија, во 2016-та година Канје ја објави песната Famous во која упати коментар кон пејачката и рече дека „тој ја направил славна“.

Канје VS Џастин Тимберлејк

Во 2015-та година меѓу големиот број колеги кои се најдоа на удар на поранешниот сопруг на Ким Кардашијан беше и Џастин Тимберлејк.

Канје рече дека во 2006-та година на доделувањето на Grammy наградите го видел познатиот пејач како плаче затоа што не добил награда:

„Џастин, не сакам да те ставам на мета, но те видов како плачеш и навистина сметам дека требаше да ја добиеш наградата за Албум на годината“.

Сепак, Џастин одлучи да не одговори на навредата како што Канје очекувал, па објави твит во кој напиша:

„Канје е срце, луѓе“.

Канје VS Џеј Зи

Канје и Џеј Зи беа добри пријатели, дури во 2011-та година заедно го објавија албумот Watch The Throne.

Но, Џеј Зи не се појави на свадбата со Ким Кардашијан во 2014-та година.

Подоцна, очигледно беше дека тие се смириле затоа што Канје се појави на роденденската забава на ќерката на Џеј Зи и Бијонсе, Блу Ајви во 2017-та година, но нештата повторно се влошија откако Канје го раскина договорот со продуцентската куќа на Џеј Зи, Tidal.

Џеј Зи во една прилика рече дека Канје му бил како помал брат, но не може да му прости за навредите што ги упатил кон неговата сопруга и децата.

Сепак, минатата година раперите изгледа решија да ги смират односите, затоа што Џеј Зи се појавува во песната на Канје, Guess Who’s Going To Jail Tonight.

За конфликтот на Канје со уште неколку ѕвезди, како и со Прасето Пепа, прочитајте на следната страна...