Како Меган Маркл ја одбележа годишнината од првото јавно појавување со Хари + Љубезен гест кон мајка на новороденче (фото+видео)

Детали

недела, 17 април 2022

Меган Маркл го привлече вниманието со еден љубезен гест кон мајката на новороденче, а нејзиниот аутфит за време на игрите Invictus беше надополнет со накитот и чевлите што ги носеше на свадбата во 2018-та година.

Игрите Invictus имаат особено значење за Меган Маркл и Принцот Хари. Тоа е настанот каде тие за првпат се појавија заедно во јавноста во 2017-та година, а Меган со посебен избор во аутфитот одлучи годинава да го одбележи настанот.

Меган и Хари на Invictus игрите во 2017-та година

Меган Маркл и Принцот Хари вчера (16.04) се појавија во Хаг на игрите Invictus. Во првото појавување Меган привлече особено внимание со белиот аутфит, но и со еден љубезен гест кон мајката на новороденче.

Меган и Хари на Invictus игрите во 2017-та година

Таа носеше костим од Valentino кој чини околу 3.800 евра, а изгледот го дополни со истите чевли што ги носеше на свадбата со принцот. Дополнително, за настанот таа избра да ги носи и истите обетки што ги носеше на свадбата со принцот.

За време на церемонијата за прием на гостите температурите во Холандија нагло опаднаа, па Меган одлучи своето долго палто да ѝ го даде на мајката на едно новороденче за да го стопли.

Погледнете го видеото од мајката со новороденчето:

Војвотката од Сасекс трипати во денот го промени изгледот, па така во еден миг се појави и во фармерки и хит-сако од твид со златни додатоци, а за време на церемонијата носеше бело боди и црни пантолони.

На сцената, во рамки на отворањето на игрите Меган ја имаше честа да го најави говорот на нејзиниот сопруг, а непосредно пред говорот на Принцот Хари, двајцата сопружници разменија бакнеж.

Меган не ја криеше љубовта за нејзиниот сопруг, па пред присутните ветерани рече:

„Не би можела повеќе да го сакам и да го почитувам и знам дека многу од вас го делат моето мислење затоа што и тој исто така е ветеран кој служел две тури во Авганистан и 10 години бил во воена служба. Тој исто така е основачот на игрите Invictus и татко на нашите две деца Арчи и Лили.“  

Инаку, ова е првпат тие да дојдат во Европа откако го напуштија кралското семејство во 2020-та година, а дополнително има информација дека пред игрите имале наводна тајна средба со Кралицата.

На следната страна погледнете повеќе фотографии од Меган и Хари направени за време на настанот...