Набрана кожа на телото, затегнато лице - Донатела Версаче го прослави 67-иот роденден (фото)

Детали

сабота, 07 мај 2022

Кожата на рацете е видливо набрана, а забележително е дека најверојатно ставила нова доза ботокс во пределот на челото. Донатела Версаче на црвениот тепих на Мет Гала го прослави 67-иот роденден.

Донатела Версаче го прослави 67-иот роденден на црвениот тепих на Мет Гала. Таа на настанот се појави во тоалета која целосно беше во согласност со темата на годинешното издание „Позлатен гламур“.

Полупроѕирниот фустан изработен од синџири, Сваровски кристали и џинс, привлече големо внимание кај присутните. Дополнително забележителен беше и златниот украс за коса, но и накитот што го носеше, како и популарните чевли на Versace, познати како барби-чевли.

Сепак на фотографиите од блиску може да се види дека годините и големиот број естетски корекции оставиле печат врз телото на некогашната убавица.

Кожата на рацете е видливо набрана, а забележително е дека најверојатно ставила нова доза ботокс во пределот на челото заради што очите практично ѝ изгледаа закосено, а вилицата сосема поинаку.

За споредба, може да се погледнат фотографиите од доделувањето на Grammy музичките награди направени во март годинава, за да се забележи дека кај лицето на Донатела има видливи разлики.

Инаку, по повод прославата на својот роденденден Донатела приреди забава во нејзината хотелска соба на која беа присутни повеќе избрани гости, меѓу кои и Кјара Ферањи и Федез, а на Инстаграм беа споделени фотографии од роденденската торта декорирана со златни рози и голем знак на Медуза, симболот на модната куќа Versace.

Б. С. Б. | Црнобело