Лук, коцки мраз и уште 3 тајни со кои Рики Мартин (50) ја одржува титулата „згоден заводник“
- Детали
- среда, 25 мај 2022
Рики Мартин (50) со текот на годините изгледа само подобро, а неодамна таткото на 4 деца го покажа извајаното тело на кое може да му позавидат многу помлади мажи. Кои се неговите тајни?
Рики Мартин деновиве е на југот на Франција, каде во сабота (28.05) ќе настапи на галата организирана од фондацијата за истражувања за СИДА, amFar.
Освен тоа, Рики исто така треба наскоро да влезе и во актерските води со улога во ТВ серијата Mrs. American Pie.
Папараци фотографите, успеаја да го уловат додека беше на балконот од неговата хотелска соба, а во минијатурните шорцеви целосно го покажа неговото извајано тело.
Фотографиите на латино пејачот веднаш привлекоа внимание, а сите се прашуваат како е можно на 50 години да изгледа како да има 30, во што е неговата тајна?
За Рики се знае дека редовно вежба и тренира, а за тоа сведочат и фотографиите што тој ги објавува на социјалните мрежи, но и папараци фотките на кои заедно со сопругот Џуан Јосеф заедно одат во теретана.
Според Men’s Helth вежбите на Рики редовно вклучуваат чучнувања и други вежби што се првично сконцентрирани на нозете и на долниот дел од телото.
Во 2013-та година Рики објави дека ќе стане вегетаријанец и дека планира целосно да го исклучи месото.
Тој гостуваше во шоуто Dr. Oz каде откри дека одлуката да го промени начинот на исхрана била донесена најмногу заради здравствени причини.
Имено, кога имал 18 години дознал дека има висок холестерол. Почнал да зема лекови за холестерол, но откако лековите не му помогнале, тој одлучил да го промени начинот на исхрана.
Како Порториканец, Рики отсекогаш сакал храна и тоа особено пржена храна, месо и мрсна храна, а тоа воопшто не му помагало со здравствените проблеми со кои се соочувал.
По ова Рики почнал да ги исфрла црвеното месо и пилешкото, а на крај ја исфрлил и рибата од исхраната.
Тој минатата година објави видео во кое покажа како изгледа неговата утринска рутина, при што појасни дека секое утро го започнува со пијалак за зајакнување на имунитетот, направен од лимон, мед, црвен кромид и лук.
Како татко на 4 деца, пејачот нема премногу време за себеси, но открива дека сака секое утро да го започне со медитација.
„Би сакал да можев да седам околу 3 часа во лотус позиција дневно, но доволни се и 15 до 20 минути за да го започнам денот“ – вели тој.
Латино пејачот почнал да настапува на сцена уште на 12 години, а во тој период морал да научи како да се грижи за своето лице.
Алкална вода, перничиња за очи, навлажнувач со антиоксиданс и коцки мраз... Ова се клучните работи што му помагаат на Рики да има совршено лице.
Тој вели дека со коцките мраз го поминува лицето и му помагаат за подобрување на циркулацијата.
Прочитајте и Рики Мартин и сопругот објавија ретки фотки од нивната ќерка: „Ти си главна во нашето семејство“
Б. С. Б. | Црнобело
Би можело да ве интересира:
Препорачуваме
Најчитани неделава
