„Како никогаш да не видел сонце “ – Илон Маск хит на Твитер со новите фотки од одморот во Грција

Детали

вторник, 19 јули 2022

Илон Маск стана хит на Твитер откако беа објавени нови фотографии од милијардерот на јахта на Миконос. Според твитерџиите, основачот на „Тесла“ е најбелиот човек што некогаш го виделе, а се шегуваат дека парите не можат да купат сѐ на светот.

Ексцентричниот мултимилијардер Илон Маск (51) деновиве е на одмор на грчкиот остров Миконос заедно со неговата пријателка, дизајнерката Сара Штаудингер (33).

Фотографиите на кои тој заедно со Сара ужива на јахта без маица се појавија во поголем број од светските списанија.

Фотките за брзо време станаа хит на Твитер, а твитерџиите коментираа за изгледот на милијардерот кој неодамна призна дека добил близнаци со неговата вработена Шивон Зилис (36) и дека во моментов е татко на 10 деца.

Британскиот Daily Mail објави сторија со фотографиите каде го нарече милијардерот „избелениот човек“, а насловот наиде на критики кај дел од корисниците на социјалните мрежи кои го осудија медиумот дека се потсмева на телесниот изглед на Маск.

Од друга страна, пак, голем број твитерџии коментираат за испуштениот стомак и големите гради на милијардерот, а дел од нив гласат:

„Илон Моск излезе на јахта и ми го уништи денот, па сега ќе ви го уништам и вам“.

„Ова е доказ дека парите не може да ви купат сѐ што ќе посакате“.

„Мислам дека ова е најбелиот човек што сум го видела. Како никогаш во животот да не видел сонце“.

Инаку, Илон Маск деновиве е среде скандал заради тужбата од Твитер, а неодамна го одложи судењето што требаше да започне неделава.

Тој претходно најави дека планира да го купи Твитер за цена од 44 милијарди долари, за потоа да се откаже од договорот под изговор дека компанијата не му ги дала сите детали за работењето и не го известиле за крупните измени што биле направени.

Погледнете повеќе фотографии во продолжение:

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

 Б. С. Б. | Црнобело