Клои Кардашијан му се радува на новороденчето од сурогат мајка, а Тристан Томпсон си се шета со нова девојка (фото)

Детали

петок, 23 септември 2022

Речиси веднаш откако Клои Кардашијан го покажа синчето што неодамна го доби со Тристан Томпсон, кошаркарот беше забележан со 24-годишна девојка која наводно е модел на OnlyFans.

По бројните неверства, Тристан Томпсон и Клои Кардашијан го добија второто дете. Новороденото синче, чие име уште не е познато, го роди сурогат мајка.

Детето се родило во јули, но јавноста првпат имаше можност да го види дури сега, во епизода од новото реално шоу на Кардашијанс.

Во епизодата која се емитуваше во четврток (22-ри септември), Клои и сестра ѝ Ким се во болницата заедно со сурогат мајката.

Тристан, кој повторно ја изневери Клои откако таа му даде уште една шанса, не присуствувал на породувањето.

„Многу сум благодарна. Ова е прекрасен подарок“, вели Клои.

38-годишната ријалити ѕвезда суптилно го спомна последното неверство на Тристан, изјавувајќи дека од декември над неа имало „темен облак“ и се чувствувала депресивно.

„Сега кога мојот син е овде, можам да продолжам понатаму и да уживам. Како да завршувам поглавје од мојот живот и ја оставам траумата зад мене“.

Кон крајот на минатата година, кратко откако Клои откри дека му дала уште една шанса на Тристан и дека очекуваат дете од сурогат мајка, се дозна дека кошаркарот добил дете со друга жена.

Иако Тристан не присуствувал на породувањето, Клои му дозволила подоцна да дојде во болницата и да го види неговиот син.

„Се двоумев дали да му дозволам на Тристан да дојде во болницата, но тој сака да биде овде, па си помислив зошто да не му дозволам? Овој момент нема никогаш да се повтори“, вели Клои.

Но, речиси веднаш откако беше емитувана новата епизода од шоуто, Тристан беше забележан со друга жена.

Тристан и Клои повеќе не се заедно, но фановите на Клои сепак го осудуваат.

Кошаркарот беше забележан на забава со модел од OnlyFans, веб-сајт каде што честопати се споделува порнографска содржина. Според Page Six станува збор за 24-годишна девојка по име Хуанита.

Кошаркарот и девојката заедно биле на забава, а потоа влегле во автомобилот на Тристан. 

Спирова С. | Црнобело