Нејмар купи дрес од уличен продавач, мажот скока од среќа среде раскрсница (видео)

Детали

среда, 03 јули 2024

Бразилецот Нејмар, кој е еден од најдобрите светски фудбалери на сите времиња, направи вистинско шоу на раскрсница во Лос Анџелес, кога застана да купи дрес од уличен продавач на спортски дресови.

Легендарниот бразилски фудбалер Нејмар е во САД, каде што се игра турнирот Копа Америка, кој е пандан на Европското првенство, но на кој се натпреваруваат државите од Јужна и Северна Америка.

Ова е 48-мо издание на турнирот, а САД се вторпат домаќини.

Нејмар не игра за репрезентацијата на Бразил, но дојде да ги бодри своите соиграчи. Па додека со автомобил се движеше низ Лос Анџелес, на семафори забележа уличен продавач на дресови.

„Дај ми дрес од Бразил. Побрзај, побрзај“, вели славниот фудбалер.

Мажот, кој стои на тротоарот на другата страна на улицата го прашува Немар која големина на дрес му треба.

„L“, одговара фудбалерот, по што мажот доаѓа, му го подава дресот преку прозорецот на возилото и дури тогаш забележува со кого зборува.

По ова почнува да скока од среќа во неверување.

Нејмар му бара уште еден ист дрес, па мажот набрзина оди по вториот дрес.

Но, сега со него се враќаат уште неколку луѓе, кои бараат да направат селфи со славниот фудбалер.

Видеото на кое Нејмар купува дресови го снимаат неговите пријатели од автомобилот, а потоа го објавија на Инстаграм.

Досега има преку 3,5 милиони прегледи и скоро 340.000 лајкови.

Инаку, финалето на Копа Америка ќе се игра на 14 јули, истиот датум кога ќе се знае и победникот на ЕУРО2024.

Погледнете го видеото:

А. Ј. | Црнобело