Зошто базените на Олимпијадата во Рио станаа зелени?

Детали

четврток, 11 август 2016

Базенот за скокови на Олимпијадата во Рио целиот беше обоен во зелено, но никој не можеше да даде објаснување зошто се случи тоа.

Не е ни чудно, натпреварувачите не беа задоволни и не сакаа да се натпреваруваат во базенот кој мистериозно ја промени бојата, но откако беа осигурани дека водата е безбедна за пливање, натпреварувањето продолжи понатаму.

Набрзо, бојата започна да се шири и во базените каде се игра ватерполо и каде се одвива натпреварот во синхронизирано пливање.

Одговорните лица тврдат дека причината за оваа боја на базенот лежи во „зголемениот број на алги и ненадејно намалување на алкалноста на водата“.

„Причината за невообичаената боја на базените е тоа што резервоарите за вода изгубија дел од хемикалиите во процесот на прочитување на водата“ - изјавија FINA, Интернационалната пливачка федерација.

Покрај зголемениот број на алги, се смета дека зелената боја на базенот се појави и како резултат на недостигот на ветар и високите температури.

Но, водата, според нив е безбедна за пливање.

Н. Г. | Црнобело