„Земјата со помалку од 2 милиони жители ја посрамоти Италија дома“ – Како странците ја доживеаја победата на Македонија? (фото+видео)

Детали

петок, 25 март 2022

„Кошмар за Италија“, „Италија е засрамена“, „Катастрофа“ – вака италијанските и светските медиуми го коментираат синоќешниот пораз на моменталниот европски првак во фудбал од Македонија, a странските коментатори изгубија глас од возбуда по неочекуваниот исход на натпреварот. 

Фудбалската репрезентација на Македонија синоќа ја победи Италија во првиот бараж натпревар за учество во Светското првенство во Катар и со тоа дојде чекор поблиску до сонот за учество на големиот мундијал, а оваа вест е топ тема во поголем број од светските медиуми.

Речиси никој не веруваше дека Македонија би можела да оствари победа над европскиот првак Италија и да оди понатаму во пласманот за учество на Светското првенство, но благодарение, пред сè, на цврстата одбрана, избраниците на Благоја Милевски покажаа дека и невозможното може да се оствари.

Kако што рече и самиот Благоја Милевски: „Ја победивме Италија на италијански начин“.

На социјалните мрежи се појавија видеа од преносот на мечот во странските медиуми, погледнете како го коментираа голот на Александар Трајковски во 92-та минута во странските медиуми:

На следната страна погледнете што пишува во странските медиуми за победата на Македонија...