9-годишно момче му соши кошула на својот татко и стана вирален хит

Детали

петок, 31 март 2023

„Не му е грижа што само тој е момче на часовите по шиење, ништо не може да го сопре. Едноставно обожава да шие“, вели таткото на Сем Гувеја (9) од САД.

Сем Гувеја е 9-годишно момче од САД кое стана вирален хит на социјалните мрежи, откако на својот татко му соши кошула.

Неговиот татко Арон објави видео од настанот на ТикТок и тоа се прошири вирално со повеќе од 14 милиони прегледи.

Арон, кој е татко на 3 деца, гостуваше дури и во ТВ шоу и откри дека Сем одел една година на часови по шиење, инспириран од неговата тетка која го обожавала ова прекрасно хоби.

Сем ги вежбал своите вештини и во локална кројачница, а досега сошил пижами за неговиот брат, фустан за братучетка му, а сега кошула за татко му.

„Бев импресиониран од кошулата, навистина е добра, уникатна е, изгледа како од 70-тите, но ми стои добро и одговара на мојот стил“ - вели Арон и открива дека засега Сем е единственото момче на часовите по шиење.

„Не му е грижа што тој е единственото момче таму, ништо не може да го сопре. Едноставно обожава да шие“ - вели гордиот татко.

Погледнете го виралното видео:

@daddyfiles

Sam made me a shirt! Wow. #sewing #sewingtiktok #samsewgood #boyswhosew #parenting #raisingboys

♬ original sound - Aaron

С. С. | Црнобело