Лет во вселената, посета на „Титаник“ – Зошто милијардерите бараат адреналинска возбуда и плаќаат за екстремен туризам?

Според Grand View Research, за екстремниот туризам во 2022 милијардерите потрошиле околу 322 милијарди евра, а таа бројка се очекува да надмине 1 трилион евра во 2023 година.

„Како што ќе минува времето, така милијардерите ќе барат повозбудливи работи. Колку им е поекстравагантен животот, толку повеќе бараат нови предизвици, бидејќи старите им стануваат здодевни. Тоа е како дрога – секогаш ќе побарате уште. Но, тие на овој начин сакаат да ја покажат и својата моќ“, додава тој.

Милијардерите не штедат пари за своите екстремни задоволства.

Патувањето до Северниот Пол чини 100.000 евра, според Wall Street Journal.

Но, некои милијардери не штедат пари и за да заработат пари. Па така, Џеф Безос, Илон Маск и Ричард Бренсон го развиваат астро-туризмот и носат луѓе во вселената.

Сопственикот на Virgin Galactic Holdings, Бренсон, откри дека првиот туристички комерцијален лет на неговата компанија, наречен Galactic 01, ќе се реализира меѓу 27 и 30 јуни 2023.

Компанијата, наводно, веќе има продадено 800 билети кои чинат меѓу 225.000 и 400.000 евра. Летот ќе трае 90 минути.

Вселенскиот туризам на компанијата Blue Origin на Џеф Безос функционира од 2021 година. Првиот билет Безос го продаде за 26.5 милиони евра.

Летот денес е поевтин, а трае 10 минути – патниците летаат на висина од околу 106km и доживуваат бестежинска состојба, а потоа се враќаат на земјата.

Јапонски милијардер веќе купил билет за првиот лет на ракетата SpaceX Starship на Маск.

Патувањето ќе вклучи 3-дневно кружење на ракетата околу Месечината и ќе дојде на 200km од лунарната површина.

Иако требаше да се реализира во 2023, овој лет е одложен поради дополнителни испитувања.

Бренсон, пред да почне да нуди летови во Вселената, самиот одеше на екстремни патувања со воздушен балон.

Тој првиот лет над Тихиот Океан со воздушен балон го имаше во 1991 година.

Неколку милијардери со хеликоптер слетаа на рамниот врв на планината Рораима, која се наоѓа на границата меѓу Венецуела и Бразил.

До врвот на планината скоро и да не може да се стигне од подножјето на планината, но најбогатите луѓе доаѓаат таму со стил, во своите приватни хеликоптери.

Според Д-р Лајонс, потрагата по возбуда не е единствениот двигател за ваквите екстремни авантури, туку и желбата за натпревар со другите милијардери.

A. J. | Црнобело