Детали за случајот со мајката монструм од САД - Ја оставила 16-месечната ќерка сама дома и заминала на одмор

Детали

понеделник, 26 јуни 2023

Додека 10 дена бебето било оставено само дома во куќата во Охајо, мајка му патувала во Детроит и Порторико, а кога се вратила дома по 10 дена, девојчето не покажувало знаци на живот. 31-годишна жена од Охајо, САД заврши во затвор затоа што го убила сопственото дете.

Кристел Канделарио (31) од Охајо, САД, е уапсена за убиство, откако цели 10 дена ја оставила 16-месечната ќерка Џејлин сама, по што девојчето починало.

Кристел во полиција признала дека во деновите додека девојчето било само во креветчето, таа била на патување во Детроит и Порторико.

Кога се вратила дома по 10 дена, Кристел забележала дека девојчето не покажува знаци на живот.

Властите што дошле на местото на настанот велат дека креветчето на нејзината 16-месечна ќерка било полно со мокри ќебиња и пелена што била полна со урина и измет, а девојчето веднаш било прогласено за мртво.

На телото на девојчето не биле најдени траги на насилство, а како причина за смртта се наведува тоа што тоа било оставено само цели 10 дена, додека мајка му патувала.

Според изјавите на соседите, Кристел, која работела како хигиеничарка во едно училиште, честопати имала навика да излезе и да го остави бебето сосема само дома, без да побара помош од соседите да го чуваат детето.

„Постојано ѝ велевме да не го остава детето само, но таа секогаш го правеше истото“ – вели една сосетка, во изјава за американските медиуми.

Досега немало поднесено никакви поплаки против Кристел, но таа е задржана во затвор и има можност да излезе доколку плати кауција од 1 милион долари.

Инаку, Кристел во куќата живеела заедно со нејзините родители и двете ќерки. Во периодот кога таа заминала на одмор во Порторико, нејзините родители ја земале нејзината поголема ќерка и заминале на одмор, а помалото девојче го оставиле со мајка му.

„Има толку многу луѓе, наоколу, таа можеше да тропне на која било врата и да побара да ја земеме Џејлин“ – велат соседите.

Судењето за мајката монструм, чие однесување ја згрози светската јавност е закажано за 28-ми јуни.

Б. С. Б. | Црнобело