Бизарно: Девојка си направи погреб за роденден – лежи во ковчег, пријателите ја оплакуваат

Детали

вторник, 01 август 2023

„Поминав низ многу промени оваа година, па сакав да го закопам моето минато. Прекинав свршувачка, морав да почнам отпочеток, па помислив дека е добра идеја да го закопам тоа што починало“, вели девојката што си направи погреб за роденденот.

Граци Жервасио, менаџерка за социјални медиуми од Сао Паоло, Бразил, организираше морбидна забава за својот 28-ми роденден. 

Таа избра темата на роденденот да биде погреб, па лежеше во ковчег, а сите нејзини пријатели беа облечени во црнина и глумеа дека плачат по неа.

За забавата, која сакала да наликува на вистинска мртоввечница, таа избрала проѕирен секси фустан од тул, високи чизми над колена, и додека лежеше во ковчегот, во рацете држеше бел крин и црвена роза.

Таа се крена од ковчегот за да ги дувне свеќичките на тортата, а потоа фотките и видеото од забавата ги сподели на Инстаграм.

„Умрев за да живеам. А живеењето е премногу добро“, напиша таа.

Објавата на Граци предизвика мешани реакции во јавноста.

Едни сметаа дека ова е забавен начин да го прослави роденденот, но повеќето се сложија дека идејата е премногу морбидна.

Младата девојка за New York Post, кој ја објави приказната, рече дека идејата на забавата била да го закопа минатото и да почне со нов живот.

„Поминав низ многу промени оваа година, па сакав да го закопам моето минато. Прекинав свршувачка, морав да почнам отпочеток, па помислив дека е добра идеја да го закопам тоа што починало“, рекла таа.

А. Ј. | Црнобело