Решете го конфликтот на работа

Детали

четврток, 12 март 2009

Без разлика дали причината за конфликтот е од професионална или лична природа, односно дали некој го напаѓа вашиот професионализам или пак...

 

 

...вашиот карактер, морате да најдете начин тоа да го неутрализирате.

Соработката е основа на добра работна околина, а тоа значи дека мораме да се прилагодиме и кон другите околу нас.

Ако не знаеме како да му пристапиме на колегата, не знаеме кои информации да ги дадеме или побараме и како со колегите се разговара секако дека ќе дојде до проблеми.

Ова се неколку основни совети како вешто да ги избегнете конфликтните ситуации:

• Немојте да претпоставувате дека знаете зошто некој се однесува така како што се однесува
  
  
• Никогаш немојте да дозволите чувствата да надвладеат врз разумот и логиката
  
  
• Пробајте во конфликтна ситуација, наместо цврсто да стоите на своите ставови, да најдете компромис
  
  
• Пуштете да помине некое време од една до друга караница како двете страни би се "оладиле" и би биле спремни за компромис
  
  
• Заборавете го минатото и фокусирајте се на сегашноста и иднината
  
  
• Побарајте совет од пријателите, како би добиле објективно туѓо мислење

Најважно од сé: Сé додека конфликтот не заврши, независно од тоа дали вие или другата страна е крива за него, остатокот на тимот и вас ќе ве гледа како некој кој ја нарушува добрата работна атмосфера.