Собираат и до 4.000 евра неделно – Што се случува со паричките собрани во најпознатата фонтана во Рим?
- Детали
- среда, 09 август 2023
За влегување во водата на Фонтана Ди Треви во Рим можете да добиете парична казна, но и да ви биде одземена визата за престој. Погледнете како изгледа собирањето на паричките од познатиот споменик во Рим, каде неделно се собираат и до 4.000 евра...
Според легендата, секој што ќе фрли паричка во фонтаната, повторно ќе се врати во Рим. Ако фрлите две, тогаш може да ви се случи да останете таму, а ако фрлите три тогаш ќе најдете љубов во градот светлината.
Според легендите, потребно е да се свртите со грбот и паричката да ја фрлите преку левата страна, односно, преку срцето.
Според некои проценки, од паричките што секој посетител ги фрла во фонтаната, која е една од најпосетените знаменитости во главниот град на Италија, неделно се собираат и до 4.000 евра.
Сте се запрашале ли некогаш што се случува со овие пари?
Со оглед на тоа што посетата на Фонтаната е бесплатна, голем дел од овие пари одат во зачувување и одржување на споменикот.
Освен тоа, голем дел од парите се пренасочуваат кон грижата на ранливите категории граѓани, за поддршка на народни кујни, пунктови за бездомници, како и за грижата за зголемениот број мигранти кои среќата ја нашле во Рим.
Инаку, познато е дека во минатото имало и луѓе кои навечер влегувале во фонтаната и собирале парички, но и такви туристи кои под дејство на алкохол, се бањале во некои од познатите римски фонтани за да се оладат.
Но, благодарение на регуларните полициски патроли и огромните казни за влегувањето во водата, кои вклучуваат и парични казни, но и одземање на визата за престој и забрана за влез во земјата, сега бројот на оние што се обидуваат да соберат дел од „колачот“ во фонтаната значително е намален.
На социјалните мрежи е објавено видео на кое се гледа како изгледа собирањето на паричките во најпознатата фонтана во Рим, Фонтана ди Треви.
Вработените го чистат базенот на познатиот споменик, а паричките се собираат со помош на детектор за метал.
Погледнете како изгледа еден обичен понеделеник, кога вработените ги собираат паричките насобрани на дното од фонтаната:
Б. С. Б. | Црнобело
Би можело да ве интересира:
Препорачуваме
Најчитани неделава
