Евакуирани околу 12.000 туристи, најпознатиот туристички град изгоре до темел – Апокалиптични фотки и видеа од пожарите во Хаваи

Детали

четврток, 10 август 2023

Силен пожар на островот Мауи на Хаваи...На фотките од пред и потоа може да се види како историскиот град Лахајна на Хаваи, целосно изгорел до темел, а на некои видеа се гледа како запалени парчиња пловат на површината на водата на oкеанот.

Островот Мауи на Хаваи во текот на вчерашниот ден (09.08) беше зафатен од силен пожар во кој речиси до темел изгоре историскиот град Лахајна, кој претставува мошне важен туристички и економски центар на островот.

Според последните информации, до (10 часот) околу 36 лица ги загубиле животите, а гаснењето на пожарите е отежнато заради силните ветрови на ураганот Дора, што го зафати островот.

Со оглед на тоа што островот е омилена дестинација за голем број туристи, повеќе од 11.000 лица со авиони итно биле евакуирани од островот, а се очекува уште 1.500 лица да си заминат во текот на денешниот ден.

Инаку стотици луѓе се пренесени во болниците откако се здобиле со изгореници или вдишале чад, а има и голем број на исчезнати лица.

Погледнете дел од фотографиите и видеата од островот во продолжение:

Како изгледа Лахајна по разорниот пожар?

Лахајна пред и потоа

Запалени дрвја пловат на површината на океанот

Запалени објекти и градби

Луѓето очајно бегаат додека сѐ околу нив гори, а по улиците лежат повредени луѓе

Б. С. Б. | Црнобело