Застрашувачки видеа од земјотресот во Мароко – Зградите се рушат додека луѓето избезумено бегаат

Детали

сабота, 09 септември 2023

Зградите се рушат како кули од карти, додека луѓето избезумено бегаат за да се заштитат од разорната сила на земјотресот... Ова може да се види на голем број од видеата објавени на социјалните мрежи, а кои се снимени во моментот кога Мароко беше погоден од силен земјотрес.

Силен земјотрес со јазична од 6,8 степени го погоди Мароко во петокот вечерта (08.09), а се предизвикани огромни материјални штети, а бројот на загинати и повредени од час во час расте.

Според пишувањата во светските медиуми, досега (09.09 во 8 часот наутро) вкупно 296 лица починале, а околу 153 биле повредени, но голем број луѓе се заробени под урнатините и чекаат да бидат спасени.

Голем број од луѓето изминатата вечер ја поминаа под отворено небо, стравувајќи од нови потреси.

Епицентарот на земјотресот бил во планините Висок Атлас и најголемиот број од жртвите е во населените места што се наоѓаат во непосредна близина на епицентарот, а станува збор за села до кои приодот е отежнат и тешко може да се пристапи и да им се укаже помош на повредените.

На Твитер се објавени повеќе видеа на кои се гледа разорната моќ на земјотресот.

Земјотресот оштети и поголем број градби во стариот град Маракеш, кои се сметаат за историски споменици, заштитени од УНЕСКО.

 Б. С. Б. | Црнобело