Маж се вљубил во жена со џуџест раст - свекрвата не сакала да ја прифати затоа што е висока колку 2-годишно дете

Детали

недела, 08 октомври 2023

„Ако Брајан е среќен со тебе и ако се сакате, јас сум пресреќна“. Со овие зборови свекрвата конечно ја прифатила снаата со џуџест раст, откако претходно 6 месеци не сакала да разговара со синот, затоа што не можела да се помири со фактот дека нејзиниот син е вљубен во жена која е висока колку 2-годишно дете.

Често велат дека љубовта не познава граници, а пример за тоа се и Јеси и Брајан од САД, кај кои разликата во височината од околу 86cm не била пречка да стапат во брак. Јеси е жена со џуџест раст, но тоа не го спречило Брајан да застане пред олтар со неа.

Јеси е 34-годишна девојка со џуџест раст, која е висока само 89cm. Таа страда од дијатрофична дисплазија (diastrophic dysplasia), нарушување кое влијае врз развојот на скелетот и коските и доведува до постојана болка и деформитет на зглобовите.

Кај лицата што страдаат од вакво нарушување, нозете и рацете не се развиваат и не постигнуваат ‘возрасна’ големина.

Друг проблем е оштетувањето на зглобовите, заради што Јеси мора постојано да биде во количка за инвалиди, а за неа вистински предизвик е кога треба да достигне нешто високо или да отвори некој предмет што е цврсто затворен.

Таа денес е висока колку 2-годишно дете и вели дека целиот свој живот ѝ нагласувале да бара партнер кој што е со слична височина како нејзината.

Но, во 2017-та година, сосема случајно на интернет го запознала Брајан (36), кој е висок 175cm.

Тој видел фотографија на која се гледало нејзиното тело во целост и сфатил дека таа е со џуџест раст, но тоа не го спречило да ја покани на состанок.

Уште на првиот состанок Брајан и Јеси сфатиле дека имаат слични погледи на светот и животот и дека имаат слични карактери, па така ја започнале нивната врска.

Една година откако се запознале, тие почнале да живеат заедно, а во 2021-ва година направиле и свадба на Бахамите, во присуство на нивните пријатели и роднини.

Но, нивната врска не поминала без проблеми и осудувања. Голем број пријатели и блиски упатувале критики до парот и не ја оправдувале нивната љубов,

Јеси раскажува дека мајка му на Брајан кога ја видела, веднаш била против нивната врска, па парот дури 6 месеци не разговарал со неа.

Во првиот миг, мајката на Брајан, Меги, не сакала да ја прифати Јеси, затоа што била уверена дека девојката има потреба од постојана нега и не сакала нејзиниот син да остане заробен во врска во којашто ќе треба постојано да се грижи за својата сопруга.

Но, откако со текот на времето Маги сфатила дека Јеси е мошне независна и нејзиното мислење за неа се променило:

„Кога ќе запознаеш некого, и кога ќе почне да ти се допаѓа, ти не ја гледаш нивната височина. Ако Брајан е среќен со тебе и ако се сакате, јас сум пресреќна“ – на крај ѝ рекла мајката на Јеси.

Брајан и Јеси велат дека денес уживаат во складен брак и имаат заедно едно куче, а во иднина размислуваат да го прошират семејството и со деца, но и со уште домашни миленичиња.

Денес тие ја раскажуваат својата уникатна приказна со цел да докажат дека љубовта навистина не познава граници.

Погледнете го видеото во кое тие зборуваат за својата приказна:

Б. С. Б. | Црнобело