Бразилска пејачка руши предрасуди – Гордо позира во бикини со стома на стомакот (фото)

Детали

недела, 15 октомври 2023

„Да, имам стома и не се срамам да ја покажам бидејќи ми го спаси животот“, стои во описот на фотката на која позната бразилска пејачка гордо позира во бикини. Во коментари, фановите ѝ даваат огромна поддршка, а некои ги споделуваат и нивните искуства.

Стома е хируршки направена дупка во абдоменот преку која, во специјална кеса, се исфрлаат фекалните материи од организмот.

Постојат разни причини зошто на некои луѓе им се прави ваков зафат – од рак до разни проблеми со дебелото црево и мочниот меур.

Иако бројни личности имаат стома, ова е тема за којашто ретко се зборува, па затоа постојат и предрасуди, а луѓето кои ја имаат неретко дури и се срамат од своето тело.

Токму затоа, потегот на бразилската пејачката Прета Гил е за пофалба.

49-годишната пејачка има стома, а во октомври годинава со нејзините 11 милиони следбеници сподели фотка во долна облека.

„Да, имам стома и не се срамам да ја покажам бидејќи оваа кеса ми го спаси животот и ми даде можност да закрепнам од операцијата со која ми отстранија тумор.

Не беше лесно, но верувајте ми – благодарна сум!“, стои во описот.

Подоцна таа сподели уште неколку фотки на кои гордо позира во бикини со нејзината стома.

Прета имала рак на дебелото црево, а почнала да ја носи стомата по операцијата за отстранување на туморот.

На двете објави, Прета добива многу поддршка, а некои фанови ги споделуваат и нивните искуства:

„Нејзината сила е инспирација“.

„Стомата и мене ми го спаси животот и прекрасно е што рушиш предрасуди“.

„Ти си вистински ангел кој руши предрасуди со љубов“.

„Стомата ѝ го спаси животот на ќерка ми кога имаше само 10 месеци. Се соочивме со многу предрасуди поради незнаењето на луѓето“.

Повеќе фотки од инспиративната пејачка на следната страница…