Преживеаните скокаат од балкон за да спасат – Застрашувачки видеа од пожар на станбена зграда во Шпанија

Детали

петок, 23 февруари 2024

Пожарот избувнал во еден од становите, а се проширил низ сите 138 стана. Погледнете ги застрашувачките видеа од пожарот во зграда во Валенсија, во која загинаа најмалку 4 лица.

Најмалку 4 лица го загубиле животот, а 19 се водат за исчезнати во пожарот што вчера попладне (22.02) зафати станбена зграда во Валенсија, Шпанија. Според информациите во локалните медиуми, пожарот започнал околу 17 и 30 часот по локално време, а на местото веднаш биле испратени противпожарни служби.

Според информациите објавени во шпанскиот весник El Pais, пожарот се проширил за половина час и ги зафатил сите 138 стана во големата 14-катна зграда.

Станарите од соседните згради биле сведоци на огнената стихија во зградата и велат дека глетката била „застрашувачка и неверојатна“.

Инаку, пожарникарите не биле во можност да влезат и однатре да го гаснат пожарот, па морале тоа да го прават однадвор.

Според информациите, во пожарот најмалку 14 лица биле повредени и неколкумина од нив се пожарникари, а на видеата објавени на социјалните мрежи, може да се види како преживеаните морале да скокаат од балкон за да се спасат.

Погледнете дел од морничавите видеа објавени на социјалните мрежи:

Како изгледал пожарот кога избувнал?

Како изгледал пожарот од соседните станови?

Преживеаните скокаат од балкон за да се спасат

Луѓето насобрани на улици го гледаат пожарот

Пожарникарите со дигалки ги спасуваат преживеаните

Б. С. Б. | Црнобело