Сакаат да изгледаат помладо - Познати мажи кои ставиле ботокс и филери

Детали

сабота, 13 април 2024

Истакнати јаболчници и затегната кожа без брчки - сѐ повеќе славни мажи подлегнуваат на разни естетски зафати за да изгледаат помладо.

Живееме во време во кое одржувањето на младоликоста како да станува императив на успехот и модерното живеење.

За естетските операции на славните жени се знае скоро сѐ: која се затегнала, која ставила силкони, вбризгала хијалурон, но ретко кога може да се прочита дека некој маж подлегнал на некаков зафат.

Најпопуларни операции меѓу мажите се операција на носот, затегнување на капаците, липосукција и пресадување на коса.

Во продолжение дел од светски познатите мажи кои имаат направено некаков зафат:

Том Круз

Доколку ги споредите фотографиите на Том Круз од младоста и денес, ќе увидите разлика на лицето тогаш и сега.

Се чини дека Том, кој денес има 61 година, малку и претерал со ботоски и филери, што дури изгледа неприродно зa своја возраст.

Сајмон Кауел

Британскиот водител, продуцент и бизнисмен Сајмон Кауел, привлекува доста внимание, токму поради драстичните промени на неговото лице. 

Ултрамазната кожа и недостатокот на фацијална експресија се резултат на повеќе естетски корекции.

И самиот тој призна дека уште во 2016 година почнал со третмaни за да изгледа помладо.

Своевремено кажал и дека еднаш толку претерал со ботоксот, што неговиот син се исплашил од него, па наводно решил повеќе да не го користи.

Џо Џонас

Музичарот и член на групата Jonas Brother's, Џо Џонас јавно призна дека вбризгува инјекции во лицето за да ја одржи млaдоликоста. 

Соработуваше и со брендот за козметички инјекции Xeomin за нивната нова кампања.

Мајкл Даглас

Познатиот актер Мајкл Даглас во 2000 година признал дека направил лифтинг на лицето и после тоа никогаш не престанал со третмани.

Наводно ја убедувал и својата сопруга Кетрин Зита Џонс да подлегне третмани за одржување на младоликоста на кожата.

Силвестер Сталоне

Славниот актер Силвестер Сталоне често сака да се пофали на Инстаграм дека и на 77-годишна возраст и понатаму е во топ форма.

Иако се нема пофалено дека направил некаква промена на лицето, тоа е и повеќе од очигледно.

Видливо е дека направил лифтинг и ставал ботокс, а добро затегнатиот врат покажува дека направил подигање и на долниот дел од лицето.

С. Ш. | Црнобело