Највпечатливиот маникир на дамите учеснички на Олимписките игри во Париз 2024

Детали

понеделник, 12 август 2024

Од боите на знамињата на нивните држави, до Ајфеловата кула и препознатливите Олимписки прстени... како изгледаа ноктите на славните врвни спортистки?

Покрај славата која ја имаат стекнато истакнувајќи се на одредени полиња во спортот, некои од дамите учеснички на овогодишните Олимписки игри во Париз доминираа и со својот впечатлив маникир.

Од боите на знамињата на нивните држави, до Ајфеловата кула и препознатливите Олимписки прстени… како изгледаа ноктите на славните врвни спортистки?

Највпечатливиот маникир на дамите учеснички на Олимписките игри во Париз 2024 кои завршија на 11 август:

Шакари Ричардсон, Америка, трчање

Ричардсон е неофицијална кралица на уметноста на ноктите, па не е изненадување што таа на церемонијата на отворањето на Олимписките игри имаше долги нокти со наизменични дизајни на американското знаме.

Брајана Тросел, Австралија, пливање

Тросел избра зелено-златен француски маникир, за да одговара на националните бои на Австралија.

Стефанија Гомез, Колумбија, пливање

Боите на Колумбија се сина, жолта и црвена, а Гомез ги прикажа на своите нокти. Но, таа го прикажа и градот-домаќин на Олимписките игри, прикажувајќи ја Ајфеловата кула на нејзините нокти.

Акоко Комланви, Того, веслање

Боите на знамето на Того вклучуваат зелена, црвена, бела и жолта, кои шампионката во веслање, Комланви, ги прикажа на своите нокти.

Суниса Ли, САД, уметничка гимнастика

Класичниот француски маникир на Ли е речиси исто толку елегантен како и нејзината гимнастика.

Лаура ван дер Винкел, Франција, стрелаштво

Француската стрелачка се одлучи за маникир со прикажување на Ајфеловата кула, француското знаме и Олимписките прстени.

М. Ѓ. | Црнобело