Жена глумела дека е болна од рак за богатиот партнер да ѝ плати импланти за градите

Детали

недела, 23 март 2025

Нејзиниот 44-годишен партнер изјавил дека му украла 8 години од животот и направила да живее во очај, емоционален хаос и страв поради нејзиното наводно нарушено здравје.

 

Лора Мекферсон (35) од Велика Британија, мајка на две деца, за малку избегнала казна затвор откако лажно претставувала дека е болна од терминален рак за од својот богат партнер да извлече пари за операција на градите, СПА третмани и низа скапи подароци.

Таа сурово го лажела директорот Џон Леонард тврдејќи дека има рак на грлото на матката, јајниците, дебелото црево и градите, па дури и ја навела и нејзината ќерка да верува дека умира.

Таа неодамна се појавила пред судот „Derby Crown Court“ во Велика Британија, но не добила затвор. Имала само едно обвинение – лажно претставување, за кое треба да изврши општокорисна работа за заедницата.

За жал, Лора не е единствената што лажела дека има рак, за да дојде до средства од добронамерни и хумани луѓе, па затоа треба добро да се внимава при вакви ситуации, особено при давање донации – дали тие одат во вистинските раце.

„Ти си им кажала на најблиските дека си дијагностицирана со неизлечив рак. Тешко е да замислиме колку една индивидуа треба да биде сурова кон саканите и оние кои се грижат за неа за да им го направи ова.

Ова е нарцисоидно однесување за внимание и пари“, ѝ се обратил судот.

Инаку, нејзиниот 44-годишен партнер изјавил дека му украла 8 години од животот и направила да живее во очај, емоционален хаос и страв поради нејзиното наводно нарушено здравје.

Наводно, Лора никогаш не покажала каење за своето однесување.

Партнерот тврди дека имало ноќи кога го будела со врескање дека тој мирно си спие, додека таа трпи неверојатни болки поради болеста.

Ѝ организирал лекување во скапа клиника, но таа секогаш одела сама на прегледите и не прифаќала да ја придружува.

Лагите почнале од 2017 години и траеле со години. Таа со парите од него си направила и операција за зголемување на градите.

С. С. | Црнобело