Гламурозна Британка брутално искрена: „Водам борба со хормоните, со двојна брада, со брчки и исцрпена сум“

Детали

петок, 04 април 2025

„Штом ќе отвориш Инстаграм, те напаѓаат мазна кожа, чисти домови, среќни врски и совршени тела. Но, тие насмеани лица често кријат тажни животи. Па, ова сум ЈАС, вистинската… постојано исцрпена“, вели Вики Патисон, познат ТВ лик во Велика Британија.

Вики Патисон (37) е британска телевизиска личност, радио водителка и авторка.

Таа стана позната по учество во реално шоу од 2011 година, а во 2015-та, Вики победи во петнаесеттата сезона на шоуто „I'm a Celebrity... Get Me Out of Here!“.

Покрај телевизиската кариера, таа е авторка на неколку книги, вклучувајќи ја нејзината автобиографија „Nothing But the Truth“.

Во август 2024 година, Вики се омажи за бизнисменот и ријалити ѕвезда Еркан Рамадан во Лондон, а подоцна одржаа втора церемонија во Италија.

Нивната свадба беше прикажана во телевизиската емисија „Vicky Pattison: My Big Fat Geordie Wedding“.  

Вики е исто така активна на социјалните мрежи, каде има повеќе од 5 милиони следбеници со кои споделува искрени моменти од нејзиниот живот.

Сега, таа објави фотографии на кои е во солзи и издание како за по дома и во чиј опис вели:

„Тајмлајнот ми изгледаше малку премногу гламурозно – па решив да ве почестам со еден пресек од фотографии од мене 90% од времето.

Социјалните мрежи треба да бидат слатко мало прозорче во нашите животи, еден момент од реалноста што го споделуваме со нашата мала заедница.

Но, лесно е да се изгубиш во тоа како се претставуваш, нели?

Брз скрол низ оваа шеговита апликација и лесно е да помислиш дека сите имаат среден живот. Бидејќи штом ќе отвориш Инстаграм, те напаѓаат мазна кожа, чисти домови, среќни врски и совршени тела.

Но тоа е глупост. Никој од нас не изгледа одлично цело време и апсолутно никој нема поим што прави.

Повеќето само импровизираме, се надеваме на најдоброто и се молиме никој околу нас да не забележи. Но тоа е заморно, нели?

Да ја одржуваш таа илузија на совршенство.

А најопасното е што никогаш нема да се чувствуваш доволно добро. Секогаш ќе има некој поуспешен, помлад, поубав или наизглед посреќен… и каде те остава тоа тебе?

Тажна, несигурна и борејќи се за опстанок во оваа алтернативна реалност од насмеани лица кои кријат тажни животи.

Продолжува на следната страница...