Застрашувачки момент кога векови стара кула во Кина се руши - туристи бегаат, прашина насекаде (видео)

Детали

четврток, 22 мај 2025

Ќе се води истрага дали реновирањето од 1995-тата година било направено соодветно. Застрашувачка сцена од Кина каде за чудо немаше жртви... Потсетува на страшната трагедија со рушењето на натстрешницата во Србија, кога имаше 14 жртви, и ежи.

Застрашувачка ситуација од Кина се прошири вирално низ целиот свет.

Станува збор за рушење на дел од векови старата кула позната како „Храмот во Фенгјанг“ или „Кулата со тапани во Фенгјанг“ во кинеската провинција Анхуи (поточно во градот Фенгјанг), од која паѓаат стотици плочки и удираат на земја во близина на посетители на локацијата.

Туристите бегаат на страна и, за среќа, нема повредени.

Настанот се случил во понеделникот (19.05) во 18:30 часот.

„Кулата со тапани“, за која се смета дека е најголемата од ваков тип во Кина, била изградена во 1375 година за време на династијата Минг, но била темелно реконструирана во 1995 година.

Властите од Кина велат дека е започната истрага за случајот.

Од местото веднаш по уривањето биле отстранети присутните лица и областа била обезбедена.

Истрагата ќе се фокусира на проектот за реконструкција, односно на неговиот дизајн и изведба.

Кулата е затворена додека траат поправките и истрагата.

Видеата што кружат на социјалните мрежи прикажуваат како дел од покривот се урива за само неколку секунди, создавајќи облаци прашина, додека туристите панично трчаат на безбедно.

Кликнете на видеото од настанот:

Видеа од Твитер:

Прочитајте и Крвави дланки на улиците, стихови од Балашевиќ - Моќни видеа од протестите во Нови Сад, по несреќата која одзеде 14 животи

С. С. | Црнобело