„Син ми се преправал дека е мртов за да се спаси“: Потресни сведоштва за масакрот во средното училиште во Грац

Детали

среда, 11 јуни 2025

„Син ми ми се јави за да ми каже дека во училиштето има пукање, дека мисли дека ќе умре. Дури два часа подоцна дознав дека е жив“, гласи изјавата на мајка чие дете учело во училиштето во Австрија каде што се случи вчерашниот масакр.

Во Австрија е прогласена тридневна жалост по вчерашната трагедија кога поранешен ученик упадна во средно училиште и почна да пука.

Според последните информации, напаѓачот има 21, а не 22 години како што се споделуваше вчера. Биле повредени над 20 лица, од кои најмалку две биле во критична состојба. На неколку повредени им биле направени и операции.

Сепак, некои медиуми споделуваат дека бројот на повредени е помал.

За жал, бројот на жртви е поголем – напаѓачот убил десет, а не девет лица, вклучувајќи и ученици на возраст од 14 до 18 години.

Напаѓачот и самиот се застрелал, а австриските медиуми пренесуваат дека бројот на жртви можеби е и поглем.

Како што пренесува CNN, 21-годишниот напаѓач учел во училиштето, но не матурирал, а со себе носел две оружја – пиштол и ловечка пушка. Се верува дека и двете оружја ги поседувал легално.

Засега не е познат мотивот на убиецот, но полицијата потврди дека нападот го испланирал сам.

Некои австриски медиуми споделија дека напаѓачот бил жртва на булинг додека учел во училиштето, како и дека прво влегол во неговата поранешна училница.

„Напаѓачот е 21-годишен Австриец од Грац. Според сегашните информации, биле искористени две оружја кои беа најдени на местото на злосторот. Овие оружја се испитуваат.

Се претпоставува дека осомничениот напаѓач ги поседувал легално. Засега не можеме да дадеме каква било информација за мотивот“, гласи официјалната изјава од полицијата во Грац.

Над 300 полицајци и војници биле вклучени во евакуацијата на училиштето, а пристигнале и 65 амбулантни возила со над 150 болничари.

Продолжува на следната страница...